Shishijee Tsɔsemɔ Yɛ Jeŋba Mli

Gbekɛyoo ko ni eye afii 14 ni jɛ Nigeria, West Afrika lɛ miida shi akɛ enine shɛ tsɔsemɔ ni tamɔ nɛkɛ nɔ kɛjɛ wolo Your Youth​—Getting the Best out of it lɛ mli. Eŋma akɛ:

“Wolo nɛɛ ji wolo ko ni yeɔ buaa babaoo, ewieɔ anɔkwale babaoo, ni eyɛ naakpɛɛ ni eŋɔɔ hu babaoo diɛŋtsɛ. Ebaanyɛ eye ebua mɔ fɛɛ mɔ ni sumɔɔ ni akudɔ lɛ yɛ heshibaa mli kɛtsɔ eshafeemɔ sui ni yɔɔ shihilɛ mli lɛ fɛɛ mli.

”Mikɛ wolo nɛɛ tsɔɔ minanemɛi skulbii kɛ mikutsoŋbii. Mɔ fɛɛ mɔ ni kaneɔ lɛ wieɔ nɔkwɛmɔ nii kɛ mfonirii ‘ni tswaa nilee emaa shi’ ni jeɔ kpo babaoo yɛ mli kɛ saji ni awie he yɛ wolo lɛ mli lɛ he. Wɔkpɛlɛɔ nɔ akɛ jeee akɛ anɔkwalei ni awie he yɛ wolo lɛ mli lɛ kɛ hiɛtɛjemɔ loo nilee kɛ jeŋba kpakpa ni hiɛshikamɔ yɔɔ mli kɛ Shishitoo mlai baaha kɛkɛ shi moŋ ekɛ gbɛtsɔɔmɔ kpakpa baaha obalaŋtai kɛ onukpai ni miisumɔ ni amɛna anɔkwa toiŋjɔlɛ kɛ gbɔmɔtsoŋ hewalɛnamɔ, ni kɛ henɔyeli baatsu nii ni amɛdamɔ shi shiŋŋ amɛha nɔ ni ja lɛ fɛɛ. . . .

“Nɔ ni gbeɔ naa kwraa lɛ, wolo nɛɛ esusu nibii ahe fitsofitso kɛmɔ shi ni nɔ ni eyi mli obɔ ji bɔlɛnamɔ he jeŋba tsɔsemɔ ni nine shɛŋ nɔ kɛjɛŋ fɔlɔi loo tsɔɔlɔi adɛŋ . . . Kwɛ bɔ ni mishweɔ babaoo akɛ akɛ wɔwolo nɛɛ aaatsɔɔ skul sɔrɔtoi lɛ koni amɛkɛtsu nii daa gbi yɛ amɛ skul nikasemɔi amli, kɛ yiŋtoo akɛ abaatsɔ nɔ ni atswa shihilɛ ni toiŋjɔlɛ, suɔmɔ, yibiwoo kɛ shishinumɔ diɛŋtsɛ yɔɔ mli ama shi.”

Your Youth​—Getting the Best out of it lɛ haa sanebimɔi ni tamɔ nɛkɛ hetoo, Mɛni hewɔ esa akɛ obalaŋtai akase nii yɛ skul? Te esa akɛ amɛbu amɛfɔlɔi amɛha tɛŋŋ? Ani esa akɛ amɛna bɔlɛ dani amɛbote gbalashihilɛ mli? kɛ Ani esa akɛ amɛnu daa ni wa? Onine baanyɛ ashɛ ekome nɔ kɛtsɔ ₵250.00 pɛ ni ooowo ni oŋmala nɔ ni akɛshɛɔ ni yɔɔ shishigbɛ nɛɛ nɔ lɛ nɔ.

Nyɛfainɛ nyɛkɛ wolo ni hiɛ baafai 192 ni akɛ wolo ni wa eha sɛɛ

Your Youth​—Getting the Best out of It lɛ ekome amajea mi. Mikɛ ₵250.00 ewo mli kɛmiimaje nyɛ.