Sanebimɔi ni jɛ Kanelɔi Adɛŋ
◼ Ani Yehowa lakaa aloo eshishiuɔ gbɔmɛi, ni etsuji lɛ fata he, taakɛ Yeremia 4:10 kɛ 20:7 taoɔ atsɔɔ lɛ?
Dabi, Bɔlɔ lɛ jeee shishiulɔ, ni ejeee mɔ ni bɛ trɔmɔɔ, aloo mɔ ni tsoɔ hiɛtɛɛ nɔ efeɔ nii. Shi ebaanyɛ ni enyɛɔ etsuɔ ejalɛ suɔmɔnaa nii lɛ ahe nii ni nɔ ni adesai baakpa gbɛ lɛ kɔɔɔ he eko.
Wɔnaa enɛ he nɔ kome kɛjɛɔ Yeremia 4:10, he ni gbalɔ lɛ kɛɛ: “Ao, Nuŋtsɔ Yehowa! Lɛlɛŋ, lakamɔ olaka maŋ nɛɛ kɛ Yerusalem ni okɛɛ akɛ: Nyɛbaana hejɔlɛ lɛ! No moŋ ni klante shɛɔ susuma mli tɔɔ nɛɛ!”
Yehowa kɛ Yeremia tsu nii koni egbe amanehulu ni baa maŋ sɛɛsɛɛyalɔ ni kɛɛ esɔmɔɔ Lɛ lɛ he sane etsɔɔ amɛ. (Yeremia 1:10, 15-19; 4:5-8; 5:20-30) Kɛlɛ, mɛi krokomɛi yɛ ni kɛɔ akɛ amɛji gbalɔi. (Yeremia 4:9) Mɛni gbɔmɛi Iɛ nu kɛjɛ mɛi ni tsɛɔ amɛhe gbalɔi nɛɛ anaa? Nɛkɛ ji bɔ ni Nyɔŋmɔ buɔ amɛ: “Gbalɔi Iɛ gbaa apasa gbalɛi . . . ni mimaŋ lɛ hu miisumɔ nakai.”—Yeremia 5:31; 20:6.
Yɛ be mli ni jeee Yehowa tsu nakai apasa gbalɔi lɛ, etsiii amɛ gbɛ hu koni amɛkagba amɛ shɛɛ saji tamɔ: “Yehowa kɛɛ akɛɛ Nyɛaana hejɔlɛ!” kɛ “Nɔ fɔŋ kome folo baŋ nyɛ nɔ” lɛ. (Yeremia 23:16, 17, 25-28, 32) Esa akɛ gbɔmɛi lɛ ahala akɛ —amɛaakpɛlɛ anɔkwa gbalɛi ni Yeremia kɛhaa Iɛ nɔ aloo amɛaaŋmɛ gbɛ ni apasa gbalɔi ni efee amɛ diɛŋtsɛ amɛhe gbalɔi tamɔ Hanania kɛ Shemaia ashishiu amɛ. (Yeremia 28:1-4, 11; 29:30-32) Akɛni Nyɔŋmɔ efooo nɛkɛ gbalɔi shishiulɔi nɛɛ adaaŋ hewɔ lɛ, abaanyɛ awie yɛ ehe akɛ: “Lɛlɛŋ, lakamɔ olaka maŋ nɛɛ kɛ Yerusalem ni okɛɛ akɛ: Nyɛbaana hejɔlɛ lɛ!”
Yɛ shishinumɔ kroko naa lɛ, ashishiu Yeremia “Oshishiu mi, Oh Yehowa, no hewɔ lɛ ashishiu mi. Okɛ ohewalɛ lɛ te shi wo mi, ni oye kunim. Mibatsɔ mɔ ni aŋmɔɔ lɛ daa gbi, mɔ fɛɛ mɔ miiye mihe fɛo.”—Yeremia 20: 7, New World Translation
Pashur, ni eji osɔfo ni ale lɛ jogbaŋŋ lɛ yi Yeremia yɛ faŋŋ mli ni ebɔ lɛ apa. Yɛ adesa jwɛŋmɔ naa lɛ, Yeremia baanu he akɛ eshɛ enaagbee, akɛ ebɛ hewalɛ ni aaanyɛ aha eya nɔ yɛ Shikpilikpiifeemɔ kɛ bɔ ni akpooɔ lɛ kɛ hefɛoyeli kɛ agbɛnɛ awui ni ayeɔ lɛ yɛ gbɔmɔtsoŋ lɛ hewɔ. Shi jeee nakai. Yehowa kɛ E-hewalɛ tsu nii ekɛshi Yeremia susumɔ akɛ adesa lɛ. Nyɔŋmɔ shishiu Yeremia kɛ shishinumɔ akɛ ekɛ nɛkɛ nuu ni yeee emuu nɛɛ tsu nii koni eha nɔ ni, gbalɔ lɛ diɛŋtsɛ nyɛŋ ajɛ ehewalɛ mli atsu lɛ aba mli. Akɛni Yeremia nuɔ he akɛ ashishiu lɛ loo enaa ekpɛ ehe yɛ enɛ mli lɛ fɛɛ sɛɛ lɛ, nɔ ni jɛ mli ba lɛ hi: Awo mɛi ni waa lɛ yi lɛ hiɛgbele, ni ajaje Nyɔŋmɔ shɛɛ sane lɛ aha.—Yeremia 20:11.
Kɛ aaanu emli sane lɛ shishi lɛ, belɛ Yeremia 4:10 kɛ 20:7 kɛ Elihu sanenaamuu lɛ kpaa gbee: “Asonɔkwa Mawu yeŋ sane ni ejaaa, ni Ofe lɛ tsɔŋ sane hiɛ ebuŋ shi.”—Hiob 34:12.