Ani Okaiɔ?

Ani ona akɛ Buu-Mɔɔ ni baa nyɛsɛɛ nɛɛ lɛ he yɛ sɛɛnamɔ kɛha bo? Belɛ mɛni hewɔ okɛ nibii ni nyiɛ sɛɛ nɛɛ ekaaa ojwɛŋmɔ okwɛɛɛ?

◻ Mɛni Yesu tsɔɔ beni ekɛɛ akɛ mɔ ko mɔ ko nyɛŋ atsɔ ekaselɔ ja ‘enyɛ etsɛ kɛ enyɛ kɛ eŋa kɛ ebii kɛ enyɛmimɛi hii kɛ enyɛmimɛi yei, hɛɛ kɛ lɛ diɛŋtsɛ esusuma po lɛ’? (Luka 14:⁠26)

Yesu etsɔɔɔ akɛ esa akɛ esɛɛnyiɛlɔi Iɛ ateŋ mɔ ko aje gbɛ anyɛ ewekumɛi loo lɛ diɛŋtsɛ ewala. Shi moŋ, eetsɔɔ akɛ esa akɛ kaselɔ Iɛ asumɔ Yesu babaoo fe bo ni esumɔɔ mɛi krokomɛi loo Iɛ diɛŋtsɛ ewala.​—1/1, baafa 8.

◻ Mɛni ji shishijee nibii sɔrɔtoi etɛ ni eye ebua ni eha odaseyeli nitsumɔ ni ji maŋsɛɛ sanekpakpashiɛmɔ nitsumɔ lɛ eye omanye, yɛ tsutsu kɛ ŋmɛnɛŋmɛnɛ lɛ?

Ekome ji gbɔmɛi Iɛ aŋɔɔ ni ayaa yɛ amɛshiai amli. Ekroko hu ji Maŋtsɛyeli lɛ he sane ni damɔ Biblia lɛ nɔ ni awieɔ lɛ tɛɛ ni emli ka shi faŋŋ Iɛ. Nɔ ni ji etɛ Iɛ ji suɔmɔ ni tamɔ Kristo nɔ ni maŋ- sɛɛ sanekpakpashiɛlɔi Iɛ jieɔ Iɛ kpo yɛ be mli ni amɛkɛ gbɔmɛi lɛ yeɔ lɛ.​—1/1, baafa 14.

◻ Mɛni hewɔ Nyɔŋmɔ kɛ Mla kpaŋmɔ Iɛ fata Abraham kpaŋmɔ lɛ he yɛ be fioo ko mli Iɛ?

Mla kpaŋmɔ lɛ ha ayoo Israelbii Iɛ akɛ eshafeelɔi ni naanɔ osɔfo kɛ afɔleshaa ni yeɔ emuu he miihia amɛ. Ebu Seshi lɛ wekukpaa Iɛ he ni eye ebua koni ayoo mɔ ni nakai Seshi Iɛ ji. Etsɔɔ hu akɛ gbi ko lɛ Nyɔŋmɔ baana maŋtsɛmɛi kɛ osɔfoi amaŋ.​—2/1, baafa 16.

◻ Mɛni ji ŋwɛi kpaŋmɔi sɔrɔtoi kpawo ni akɛba fiofio ni fɛɛ kɛ naanɔ jɔɔmɔi bahaa wɔ fɛɛ lɛ?

Eden kpaŋmɔ lɛ, Abraham kpaŋmɔ lɛ, Mla kpaŋmɔ Iɛ, kpaŋmɔ kɛha osɔfo ni tamɔ Melkizedek, David Maŋtsɛyeli kpaŋmɔ lɛ, kpaŋmɔ hee lɛ, kɛ Maŋtsɛyeli kpaŋmɔ lɛ.​—2/1, baafa 19.

◻ Ani sɔrɔtofeemɔi akpei abo ni yɔɔ Biblia Iɛ ni akɛ niji ŋmala Iɛ amli Iɛ gbɔjɔɔ nɔ ni Biblia Iɛ kɛɔ akɛ eji Nyɔŋmɔ Wiemɔ lɛ?

Dabi. Biblia he nilelɔi kɛɔ wɔ akɛ etamɔ nɔ ni nɛkɛ sɔrɔtofeemɔi nɛɛ fɛɛ he ehiaaa ŋmalɛ lɛ. Amɛ- yeɔ amɛbuaa moŋ ni ewajeɔ anɔkwale ni Ŋmalɛi Iɛ ji Iɛ. (Lala 119:105; 1 Petro 1:25)​—2/1, baafai 29, 30.

◻ Mɛni mli ana wiemɔ “agnostic” (“nɔ ni aleee”) lɛ kɛjɛ, ni te akɛtsuɔ nii yɛ Biblia lɛ mli ahaa tɛŋŋ?

Wiemɔ “agnostic” Iɛ jɛ Hela wiemɔ agno’stos, ni eshishi ji “aleee” lɛ mli. Paulo kɛ wiemɔ ko ni tamɔ nɛkɛ tsu nii yɛ wiemɔ ni ekɛha Ateenebii lɛ mli yɛ be mli ni ewie wɔŋ jalɔi afɔleshaa latɛ ni ajɔɔ nɔ aha “Nyɔŋmɔ ni Aleko Lɛ” lɛ he Iɛ. (Bɔfoi lɛ Asaji 17:23)​—2/15, baafa 5.

◻ Te esa akɛ wɔfee wɔnii wɔha tɛŋŋ yɛ be mli ni Ŋmalɛ gbɛtsɔɔmɔ ko tamɔ nɔ ni abaanyɛ anu shishi yɛ gbɛi sɔrɔtoi anɔ Iɛ?

Esa akɛ wɔjie heshibaa su ni mra be mli Kristofoi Iɛ jie lɛ kpo Iɛ nɔŋŋ eko, yɛ be mli ni amɛkpɛlɛɔ yiŋkpɛi kɛ gbɛtsɔɔmɔi ni jɛ Nyɔŋmɔ asafo Iɛ ŋɔɔ Iɛ nɔ lɛ. (Bɔfoi lɛ Asaji 15:​6-29)​—2/15, baafa 20.

◻ Mɛni Yesu tsɔɔ beni ekɛɛ: “Nyɛŋɔa kutumpɔo mamɔna lɛ ekɔ nyɛfea shieŋtsɛmɛi nyɛhaa nyɛhe, koni, beni nyɛbɛ nɔ ko dɔŋŋ Iɛ, ni amɛhere nyɛ yɛ naanɔ buui Iɛ amli” lɛ? (Luka 16:⁠9)

Esa akɛ wɔbɔ mɔdɛŋ ni wɔkɛ jwetrii fɛɛ ni wɔyɔɔ lɛ afi Maŋtsɛyeli lɛ he nibii Iɛ asɛɛ koni wɔtsɔ nɔ wɔtsɔ Nyɔŋmɔ kɛ e-Bi Iɛ shieŋtsɛmɛi. Amɛ pɛ ji mɛi ni baaha wɔna gbɛhe yɛ ŋwɛi aloo yɛ paradeiso shikpɔŋ nɔ beni heloo gbɛfaŋ nibii nyɛɛɛ nɔ ko afee loo amɛhiɛ kpataa lɛ.​—3/1, baafa 9.

◻ Mɛɛ nibii etɛ abiɔ yɛ wɔ gbɛfaŋ kɛji akɛ sanesɛɛkɔmɔ ni Yehowa kɛhaa Iɛ he baaba sɛɛnamɔ kɛha wɔ?

Ehe miihia ni wɔyoo Yehowa gbɛjianɔtoo lɛ; esa akɛ wɔkase Nyɔŋmɔ Wiemɔ lɛ kɛ yelikɛbuamɔ nibii ni akɛhaa ni yeɔ ebuaa wɔ ni wɔnuɔ shishi lɛ daa; ni esa akɛ wɔjwɛŋ nɔ ni wɔkase Iɛ nɔ koni wɔle bɔ ni wɔɔfee ni wɔkɛtsu nii yɛ wɔ daa gbi shihilɛ mli.​—3/15, baafa 14.

◻ Mɛni hewɔ blema Israelbii lɛ fee amɛnii tamɔ mɛi ni bɛ sanesɛɛkɔmɔ ko kwraa nakai Iɛ?

Amɛkɛ hiɛsɔɔ susuuu nibii fɛɛ ni Yehowa efee kɛha amɛ lɛ he. (Lala 106:​7, 13)​—3/15, baafa 17.

◻ “Tabilɔi ni tara okpɔŋɔi anɔ” ni ewie he yɛ Kpojiemɔ 9:16 lɛ damɔ shi kɛha mɛni?

Nɛkɛ okadi okpɔŋɔi nɛɛ damɔɔɔ shi kɛhaaa shwɛɛnii ni afɔ amɛ mu Iɛ ni nɔ gboɔ Iɛ pɛ, shi moŋ “asafo babaoo” ni ji “toi krokomɛi” lɛ ni amɛyi faa ni amɛhe waa be fɛɛ be Iɛ. (Kpojiemɔ 7:9; Yohane 10:16)​—4/1, baafa 19.