Yesu Shihilɛ kɛ Esɔɔmɔ Nitsumɔ

Beni Ana Binuu Ni Laaje

BENI binuu loo bi nyenyeŋtswi ni yɔɔ Yesu abɛbua lɛ mli ni laaje lɛ ku esɛɛ eba etsɛ we lɛ, te ahere lɛ aha tɛŋŋ? Bo toi beni Yesu gbaa enɛ lɛ:

“Shi beni enyiɛ shɔŋŋ kɛbaa beebe lɛ, etsɛ na lɛ, ni emusuŋ tsɔ lɛ, ni esha foi eho eyagbee ekuɛ nɔ, ni eshɔshɔɔ enaa.” Mɛɛ tsɛ ni yɔɔ mɔbɔnalɛ kɛ musuŋtsɔlɛ, ni damɔ shi kɛha wɔ ŋwɛi Tsɛ Yehowa jogbaŋŋ nɛ!

Eka shi faŋŋ akɛ etsɛ lɛ enu ebinuu lɛ nyɛnyɛŋtswibɔɔ Iɛ he. Ni kɛlɛ ehere Iɛ kɛba shia ni emɛɛɛ ni etsoɔ nɔ fɛɛ nɔ mli etsɔɔ lɛ. Yesu hu hiɛ su ni akɛhereɔ mɛi nɛɛ, ni eje shishi eto gbɛjianɔ koni ebɛŋkɛ eshafeelɔi kɛ toohelɔi, ni damɔ shi kɛha bi nyenyeŋtswi lɛ yɛ abɛbua lɛ mli Iɛ.

Eji anɔkwale akɛ, Yesu abɛbua lɛ mli tsɛ ni kɔɔ sane sɛɛ lɛ yɛ ebinuu lɛ tsuitsakemɔ lɛ he jwɛŋmɔ ko kɛtsɔ bɔ ni ena awerɛho ni eyeɔ, enijiaŋwujee ni jeɔ kpo yɛ ehiɛ ni ekɛku esɛɛ kɛba Iɛ. Shi tsɛ lɛ suɔmɔ ni etsɔ hiɛ ejie lɛ kpo lɛ ha efee mlɛo kɛha binuu lɛ akɛ eeejaje ehe eshai, taakɛ Yesu gba lɛ: “Ni bi lɛ kɛɛ lɛ akɛ: Ataa, mifee Nyɔŋmɔ shishi esha ni mifee esha yɛ bo hu ohiɛ, ni misaaa akɛ atsɛɔ mi obi dɔŋŋ; ŋɔɔ mi ofee tamɔ opaafoi lɛ eko.”

Ni kɛlɛ, wiemɔi lɛ etaaa yɛ binuu lɛ naa kɛkɛ ni etsɛ lɛ bɔi nifeemɔ, efa etsuji lɛ akɛ: “Nyɛyajiea atade ni yɔɔ fɛo fe fɛɛ lɛ kɛbaa mramra, ni nyɛkɛbawoa lɛ, ni nyɛwo enine kpotia kɛ enaji hu tokotai; ni nyɛkɛ tsinabi ni ewo fɔ lɛ abaa nyɛbagbea, ni nyɛhaa wɔyea nii ni wɔnaa tsuijurɔ; ejaakɛ mibi nɛɛ gbo, ni ehiɛ etsɛ ekoŋŋ; elaaje, ni ana lɛ. Ni amɛbɔi nyamɔ.”

Beni enɛ yaa nɔ lɛ, no mli lɛ Tsɛ lɛ “binukpa lɛ yɛ ŋmɔshi.” Kwɛmɔ akɛ obaanyɛ oyoo mɔ ni edamɔ shi kɛha kɛtsɔ sane lɛ fa ni eshwɛ lɛ toiboo nɔ lo. Yesu wie yɛ binukpa Iɛ he akɛ: “Ni beni ebaa ni ebabɛŋkɛ shia lɛ, enu saŋkui kɛ jooi ahe; ni etsɛ tsuji lɛ ekome kɛba, ni ebi lɛ akɛ: Mɛni afeɔ nɛɛ? Ni ekɛɛ lɛ akɛ: Onyɛmi lɛ eba, ni otsɛ egbe tsinabi ni ewo fɔ lɛ, ejaakɛ eshɛ edɛŋ kpitiŋŋ. Ni emli fu, ni ekpɛlɛɛɛ shia lɛ yaa.

“No hewɔ lɛ etsɛ je kpo ni ebakpa lɛ fai. Shi ehere nɔ ni ekɛɛ etsɛ lɛ akɛ: Kwɛ, afii abo sɔŋŋ ni misɔmɔo, ni mitɔko okita ko nɔ da, ni mi lɛ, ohako mi too kpakpo ko tete da, koni mikɛ mishieŋtsɛmɛi ana tsuijurɔ; shi ŋmɛnɛ ni obi nɛɛ ni kɛ ajwamaŋi eyaye onii lɛ ba lɛ, ogbe tsinabi ni ewo fɔ lɛ oha lɛ.”

Namɛi, ni tamɔ binukpa lɛ amɛwie amɛshi mɔbɔnalɛ kɛ jwɛŋmɔ ni agbalaa kɛyaa eshafeelɔi anɔ Iɛ? Ani jeee woloŋmalɔi lɛ kɛ Farisifoi lɛ ni? Akɛni wiemɔ ni amɛwie amɛshi Yesu akɛni ehereɔ eshafeelɔi hewɔ ni Yesu bu nɛkɛ abɛbua nɛɛ hewɔ lɛ, eka shi faŋŋ akɛ amɛji mɛi ni damɔ shi kɛha binukpa lɛ.

Yesu kɛ sane lɛ ba naagbee kɛ tsɛ lɛ faikpamɔ ni ekɛfɔ ebinukpa lɛ hiɛ lɛ: “Mibi, bo lɛ, okɛ mi yɔɔ daa nɛɛ, ni nɔ fɛɛ nɔ ni miyɔɔ lɛ onɔŋ; shi esa akɛ wɔnya ni wɔmii ashɛ wɔhe; ejaakɛ onyɛmi nɛɛ gbo, ni ehiɛ etsɛ ekoŋŋ, elaaje, ni ana lɛ.”

No hewɔ lɛ Yesu etsɔɔɔ nɔ ni yɛ naagbee Iɛ binukpa Iɛ fee. Yɛ anɔkwale mli Iɛ, yɛ sɛɛ mli beni Yesu egbo ni atee lɛ shi lɛ, “osɔfoi Iɛ tete ateŋ mɛi pii bo hemɔkɛyeli Iɛ toi,” ni eka shi faŋŋ akɛ nɛkɛ “binukpa” kuu nɛɛ mli bii ni Yesu wieɔ etsɔɔ amɛ yɛ biɛ nɛɛ ateŋ mɛi komɛi fata he.

Shi yɛ ŋmɛnɛŋmɛnɛ beaŋ Iɛ, namɛi bihii enyɔ lɛ damɔ shi kɛha? Esa akɛ amɛfee mɛi ni ebale Yehowa yiŋtoi Iɛ saŋŋ ni yɔɔ nɔ ni amɛaadamɔ nɔ ni amɛkɛ Iɛ abote wekukpaa mli. Binukpa lɛ damɔ shi kɛha “asafo kuu bibioo” loo “kromɔbii ni aŋma amɛgbɛii yɛ ŋwɛi Iɛ anaabuamɔ kɛ asafo Iɛ” mlibii Iɛ ateŋ mɛi komɛi. Mɛnɛɛmɛi na su ko ni tamɔ binukpa Iɛ su Iɛ. Amɛbɛ miishɛɛ ko akɛ amɛaahere shikpɔŋ nɔ kuu ko, “toi krokomɛi,” ni amɛnu he akɛ aagbala jwɛŋmɔ kɛmiiya amɛnɔ tsɔ Iɛ.

Bi nyenyeŋtswi lɛ damɔ shi kɛha Nyɔŋmɔ webii ni shiɔ koni amɛyana miishɛɛ ni je lɛ kɛhaa lɛ mli ŋɔɔmɔ lɛ. Shi yɛ be ni sa mli Iɛ, mɛnɛɛmɛi kɛ tsuitsakemɔ kuɔ amɛsɛɛ ni amɛbatsɔmɔɔ Nyɔŋmɔ tsuji ni yɔɔ ekaa ekoŋŋ. Yɛ anɔkwale mli lɛ, kwɛ bɔ ni Tsɛ Iɛ yɔɔ suɔmɔ ni enaa mɛi ni yɔseɔ bɔ ni eshaifaa he hiaa amɛ ni amɛkuɔ amɛsɛɛ amɛbaa eŋɔɔ lɛ amɔbɔ! Luka 15:​20-32; Bɔfoi lɛ Asaji 6:7; Luka 12:​32; Hebribii 12:​23; Yohane 10:⁠16.

◆ Mɛɛ gbɛ nɔ Yesu tsɔɔ ekaseɔ tsɛ ni naa mɔbɔ ni yɔɔ ebɛbua Iɛ mli lɛ yɛ?

◆ Mɛni ji jwɛŋmɔ ni binukpa Iɛ hiɛ yɛ enyɛmi Iɛ ni ahere lɛ atuu Iɛ he, ni Farisifoi lɛ feɔ amɛnii tamɔ binukpa Iɛ yɛ mɛɛ gbɛ nɔ?

◆ Yesu abɛbua lɛ kɔɔ namɛi ahe yɛ wɔgbii nɛɛ amli?