Sanebimɔi Ni Jɛ Kanelɔi Adɛŋ

◼ Ani Mla kpaŋmɔ lɛ ba naagbee beni Yesu gbo yɛ sɛŋmɔtso nɔ lɛ, ni mɛɛ be mli akɛ kpaŋmɔ hee lɛ to najiaŋ?

Mɛi pii ebi nɛkɛ saji nɛɛ, akɛni nibii etɛ ni eba yɔɔ amɛjwɛŋmɔ mli hewɔ: Yesu ni gbo yɛ sɛŋmɔtso nɔ yɛ Nisan 14, 33 Ŋ.B. shwane,ewala ni ji ela lɛ jara lɛ ni ekɛha yɛ ŋwɛi, kɛ mumɔ krɔŋkrɔŋ Iɛ ni efɔse eshwie shi yɛ Pentekoste gbi lɛ nɔ yɛ afi 33 Ŋ.B. lɛ. Yɛ ŋmalɛ naa lɛ, Mla kpaŋmɔ Iɛ baa naagbee ni akɛ kpaŋmɔ hee lɛ to najiaŋ yɛ Pentekoste. Nyɛhaa wɔkwɛa nɔ hewɔ ni enɛ tamɔ nakai lɛ.

Yehowa gba efɔ shi akɛ, yɛ be ni sa mli lɛ,ekɛ “kpaŋmɔ hee” ni baaha akɛ eshai ake kwraa baato Mla kpaŋmɔ Iɛ ni haaa anyɛ afee nakai yɛ Mla lɛ shishi lɛ najiaŋ. (Yeremia 31:​31-34) Mɛɛ be mli nii ni akɛtoɔ ekroko najiaŋ nɛɛ baaba?

Klɛŋklɛŋ lɛ ehe miihia ni kpaŋmɔ momo lɛ,Mla kpaŋmɔ lɛ,aje gbɛteŋ kɛya akɛni etsu eyiŋtoo he nii hewɔ. (Galatabii 3:​19, 24, 25) Bɔfo Paulo ŋma akɛ: “Ni [Nyɔŋmɔ] egbe wɔhe wolo ni aŋma, ni yɔɔ akpɔi Iɛ amli, ni damɔ shi eshi wɔ lɛ,ni no nɔŋŋ ejie yɛ teŋ kɛtee, ni ekala ekpɛtɛ sɛŋmɔtso lɛ he.” (Kolosebii 2:​13, 14) Ani enɛ tsɔɔ akɛ beni Yesu gbo lɛ, akɛ kpaŋmɔ hee lɛ to Mla kpaŋmɔ lɛ najiaŋ amrɔ nɔŋŋ?

Dabi, ejaakɛ esa akɛ awo kpaŋmɔ hee lɛ mli hewalɛ kɛ afɔleshaa ni sa lɛ la kɛ agbɛnɛ maŋ hee lɛ, mumɔŋ lsrael. (Hebribii 8:​5, 6; 9:​15-22) Atee Yesu shi yɛ Nisan 16, ni gbii 40 sɛɛ lɛ, ekwɔ kɛtee ŋwɛi. (Bɔfoi lɛ Asaji 1:​3-9) Beni ekwɔ kɛtee ŋwɛi lɛ sɛɛ gbii nyɔŋma aloo yɛ Pentekoste gbi lɛ nɔ lɛ, Yesu fɔse “mumɔ krɔŋkrɔŋ lɛ he shiwoo lɛ” ni enine eshɛ nɔ kɛjɛ e-Tsɛ lɛ ŋɔɔ Iɛ eshwie ekaselɔi lɛ anɔ, kɛkɛ ni mumɔŋ lsrael ba shihilɛ mli. (Bɔfoi lɛ Asaji 2:33) Nyɔŋmɔ tsɔ Teŋdamɔlɔ, Yesu Kristo nɔ, ekɛ mumɔŋ Israel fee kpaŋmɔ hee.

Yɛ nɛkɛ nibii ni kɔɔ enɛ he Iɛ hewɔ Iɛ, mɛɛ be mli akɛ kpaŋmɔ hee Iɛ ye Mla kpaŋmɔ Iɛ najiaŋ?

Mɔ ko nyɛŋ akɛɛ akɛ Mla lɛ ba naagbee kɛ Yesu gbele lɛ. Beni atee Yesu shi kɛba mumɔŋ shihilɛ mli lɛ sɛɛ gbii 40 lɛ, etee nɔ ehi shikpɔŋ nɛɛ nɔ, ni no mli Iɛ ekaselɔi Iɛ miiye Mla Iɛ nɔ lolo. Agbɛnɛ hu, Mla lɛ mli nɔ kroko ni he hiaa ji osɔfonukpa Iɛ ni yaa Krɔŋkrɔŋ Fe Fɛɛ daa afi shikome lɛ. Enɛ tsɔɔ Yesu shitee kɛmiiya ŋwɛi. Ni Nyɔŋmɔ hiɛ ji he ni akɛ kpaŋmɔ hee Iɛ Teŋdamɔlɔ lɛ,eeenyɛ ni ekɛ ekpɔmɔ afɔleshaa lɛ jara lɛ ayaha yɛ. (Hebribii 9:​23, 24) Enɛ gbele gbɛ kɛha kpaŋmɔ hee lɛ koni awo mli hewalɛ ni eha Yeremia 31:​31-34 aba mli.

Kpaŋmɔ hee lɛ bɔi nitsumɔ beni Yehowa tsu nii akɛ mɔ ni ekpɛlɛ kpɔmɔ afɔleshaa Iɛ nɔ lɛ. Efɔse emumɔ krɔŋkrɔŋ Iɛ eshwie Yesu kaselɔi anɔkwafoi lɛ anɔ koni ekɛ maŋ hee ko aba, mumɔŋ Israel, ni mɛi ni yɔɔ mli ji mɛi ni akɛ amɛ efee kpaŋmɔ kɛha Maŋtsɛyeli lɛ. (Luka 22:​29; Bɔfoi Iɛ Asaji 2:​1-4) Enɛ tsɔɔ akɛ Nyɔŋmɔ efo Mla kpaŋmɔ lɛ mli, yɛ ekadi gbɛ nɔ Iɛ ekɛyakala sɛŋmɔtso ni Yesu gbo yɛ nɔ lɛ he. No hewɔ Iɛ Mla kpaŋmɔ Iɛ ba naagbee beni awo kpaŋmɔ hee Iɛ mli hewalɛ ni ebɔi nitsumɔ yɛ maŋ hee Iɛ nɔ lɛ, yɛ mumɔŋ lsrael fɔmɔ yɛ afi 33 Ŋ.B. Pentekoste gbi Iɛ sɛɛ.​—Hebribii 7:​12; 8:​1,2.

Yɛ hetoo ni akɛha sanebimɔ nɛɛ sɛɛ lɛ, wɔbaanyɛ wɔyoo akɛ Nyɔŋmɔ tsɔɔɔ esɛɛ ehaaa heloonaa Israel kwraa beni Mla kpaŋmɔ lɛ ba naagbee ni kpaŋmɔ hee lɛ bɔi nitsumɔ ni aye he odase yɛ Pentekoste afi 33 Ŋ.B. lɛ. Akɛ nɔkwɛmɔ nɔ lɛ, yɛ Abraham kpaŋmɔ Iɛ kɛ gbeekpamɔ naa lɛ. Yehowa jie eduromɔ krɛdɛɛ kpo etsɔɔ Yudafoi lɛ,mɛi ni amɛtsake amɛhe amɛtsɔmɔ Yudafoi, kɛ Samariabii Iɛ yɛ “otsi” ni ji 70 nɔ ni ba naagbee yɛ afi 36 Ŋ.B. mli lɛ. (1 Mose 12:​1-3; 15:​18; 22:​18; Daniel 9:​27; Bɔfoi lɛ Asaji 10:​9-28, 44-48) Ehe be ko po dani Yudafoi Kristofoi ni afɔ amɛ mu lɛ ateŋ mɛi komɛi po nu anɔkwale ni eji akɛ yɛ 33 Ŋ.B. lɛ sɛɛ Iɛ ehe ehiaaa dɔŋŋ ni aye Mla Iɛ nɔ; wɔbaanyɛ wɔna enɛ kɛjɛ sane ni akɛbaha nɔyeli kuu lɛ yɛ afi 49 Ŋ.B. lɛ mli. (Bɔfoi lɛ Asaji 15:​1, 2) Mla Iɛ kpoomɔ kwraa ba ni anyɛŋ aje ŋwane ko kwraa yɛ afi 70 Ŋ.B., beni Romabii lɛ kpata sɔlemɔ we lɛ kɛ yinɔsaji ahe wɔji ni kɔɔ Mla lɛ he lɛ hiɛ ni fɛɛ laaje lɛ.​—Mateo 23:⁠38.

[He ni Mfoniri ni yɔɔ baafa 31 lɛ Jɛ]

Pictorial Archive (Near Eastern History) Est.