Bɔs Lɛ Fa Eshi Lɛ

GBI ko lɛ James na ebiyoo Rebecca ni enyiɛ bɛlɛoo yɛ gbɛ ni ekaaa kwraa nɔ kɛmiiya skul bɔs lɛ he. Eyɛ mli akɛ Rebecca miina ni bɔs lɛ miiba moŋ, shi eto etsui shi enyiɛ bɛlɛoo moŋ kwaa fe nakai ni eje gbɛ eha bɔs lɛ fa eshi lɛ.

Nakai gbɛkɛ lɛ nɔŋŋ ni James kɛ eŋa Veronica susu sane lɛ he kɛtsɔ “Yona kɛ Ŋshɔŋ Loo Agbo’ lɛ he sane lɛ ni yɔɔ My Book of Bible Stories lɛ mli lɛ nɔ. Biblia mli saji ni Rebecca sumɔɔ lɛ ateŋ ekome ni. Yɛ be mli ni amɛgbe sane nɛɛ he susumɔ naa lɛ, kɛkɛ ni fɔlɔi lɛ kɛ enɛ to amɛbiyoo lɛ naagba lɛ he. Enu sane lɛ shishi ni ekɛɛ: “Eyɛ mli akɛ Yona jo foi ni eyabote haomɔ mli yɛ ŋshɔ lɛ mli moŋ ni ŋshɔŋ loo lɛ mi lɛ ni eshwe lɛ eshwie moŋ​—shi enitsumɔ kɛha Yehowa lɛ miimɛ lɛ lolo ni ebatsu.”

Enɔ jetsɛremɔ lɛ, Rebecca tee skul kɛ subaŋ hee ni My Book of Bible Stories hɔ eŋaashi.

Onine baanyɛ ashɛ wolo fɛfɛo ni mfonirii pii yɔɔ mli ni akala lɛ agboi ni hiɛ baafai 256 nɛɛ ekome nɔ kɛtsɔ nɔ ni yɔɔ shishigbɛ nɛɛ ni oooŋma nɔ ni ataoɔ lɛ yɛ nɔ lɛ nɔ koni okɛmaje wɔ.

Nyɛfainɛ nyɛkɛ My Book of Bible Stories wolo lɛ ekome amajea mi, mikɛ ₵380.00 emaje kɛmiiwo nyɔmɔ.