Ani Obi lɛ Yɛ Lɛ Diɛŋtse Enɔ ni Eshɛ?

BƆNI AFEE ni amɛtee nikasemɔ he akɔnɔ shi yɛ amɛbii bibii amli lɛ, fɔlɔi ni yɔɔ nilee haa amɛnine shɛɔ woji sɔrɔtoi kpakpai anɔ mra. Akɛ nɔkwɛmɔ nɔ lɛ, amɛteŋ mɛi pii kwɛɔ koni amɛbii lɛ ana Biblia kasemɔ wolo ni ji Buu-Mɔɔ lɛ eko ni ji amɛ diɛŋtsɛ amɛnɔ ni amɛshɛ, koni amɛkɛya daa otsi Biblia mli nikasemɔ yɛ Yehowa Odasefoi akpeei ashishi. Shi mɛɛ afi esa akɛ gbekɛ ko aye dani ashɛ eko aha lɛ?

Afi nɛɛ shishijee mli ni wɔnine shɛ wolo nɛɛ nɔ kɛjɛ nyɛ ko ŋɔɔ: “Nɔ ni wɔshɛɔ nɛɛ ji wɔ binuu ni eye afii enyɔ lɛ nɔ. Esa akɛ ena lɛ diɛŋtsɛ enɔ yɛ Buu-Mɔɔ Nikasemɔ lɛ shishi. Mibɔɔ mɔdɛŋ ni maha lɛ ekroko kɛ wɔbɛ nɔ ni wɔkaseɔ lɛ eko, shi enaa akɛ emli mfonirii lɛ kɛ nɔ ni wɔkaseɔ lɛ kpaaa, esumɔɔ ni ena nɔ ni wɔkaseɔ lɛ eko. Miyɛ nɔmimaa akɛ mfonirii fɛfɛji ni yɔɔ mli lɛ naa gbekɛ lɛ jwɛŋmɔ nɔ hewalɛ ni enɛ baaye abua lɛ ni ejɛ mra ni ehiɛ asɔ mumɔŋ niyenii ni enyɛɛɛ enu shishi bianɛ lɛ.”

Mɛni hewɔ okwɛɛɛ koni obii lɛ ateŋ mɔ fɛɛ mɔ ana lɛ diɛŋtsɛ e-Buu-Mɔɔ ni eshɛ? Onine baanyɛ ashɛ eko nɔ kɛ oŋmala nɔ ni ataoɔ yɛ shishigbɛ nɛɛ nɔ ni okɛ ₵300 maje.

Nyɛfainɛ nyɛkɛ Buu-Mɔɔ lɛ shɛɛ afi kome amajea mi mikɛ ₵300 efata he kɛmiiwo nyɔmɔ.