Osɔfo Lɛ Hiɛ Kpa Sɔlemɔyaa Nɔ

Nɔ ni nyiɛ sɛɛ nɛɛ ji niiashikpamɔ ko ni jɛ Afrika maŋ ko ni ji Kenya mli ni tsɔɔ bɔ ni My Book of Bible Stories lɛ ŋɔɔ mɛi anaa ha.

Akɛ nɛkɛ wolo nɛɛ ekome ha osɔfo ko leebi beni eshwɛ fioo ni ebaaya sɔlemɔ ni eyashiɛ lɛ. Kɛkɛ ni eje shishi ebɔi kwɛmɔ ni ebɔi kanemɔ ni ekɛ ehe wo mli aaahu akɛ ehiɛ kpa nɔ akɛ eeeya sɔlemɔ ni eyafee sɔlemɔ nakai leebi Iɛ. Yɛ be ni sa mli lɛ atsu sɔlemɔ lɛ mli osɔfoi enyɔ kɛtee eshia, ni ana lɛ ni eekane My Book of Bible Stories wolo lɛ. Osɔfo Iɛ je shishi etsɔɔ bɔ ni wolo nɛɛ mii ŋɔɔ ha lɛ mli etsɔɔ amɛ. Amɛ hu amɛkɛ amɛhe wo mli ni amɛbɔi kanemɔ ni amɛku amɛhiɛ amɛshwie tsumɔ ni atsu amɛ lɛ nɔ.

Yɛ be kpalaŋŋ sɛɛ lɛ, mɛi krokomɛi ni yɔɔ sɔlemɔ lɛ mli lɛ tee osɔfo lɛ shia ni amɛyakwɛ nɔ ni eba, nɔ ni ha amɛnaa kpɛ amɛhe ji akɛ amɛna mɛi etɛ nɛɛ ni amɛmiisusu My Book of Bible Stories lɛ he. Mɛni jɛ mli ba? Ni aaaya sɔlemɔ taakɛ afeɔ daa Hɔgbaa leebi Iɛ, amɛ fɛɛ amɛje shishi amɛsusu My Book of Bible Stories lɛ he. Amɛteŋ mɛi pii yasumɔ akɛ amɛaana amɛ diɛŋtsɛ amɛnɔ ni amɛbi Yehowa Odasefonyo ko ni ji maŋsɛɛ sanekpakpa shiɛlɔ ni ekɛ eko abaha amɛ.

Nɛkɛ wolo ni hiɛ baabi 256 kɛ emli mfonirii fɛfɛji lɛ haa nikanelɔ lɛ leɔ nibii babaoo ni kɔɔ Biblia lɛ he. Onine baanyɛ ashɛ eko nɔ. Ŋmaa nɔ ni ataoɔ lɛ yɛ afagbɛ nɛɛ ni ofo ni okɛmaje wɔ ni okɛ ¢150.00 afata he.

Nyɛfainɛ nyɛkɛ My Book of Bible Stories lɛ ekome amajea mi mikɛ ¢150.00 ewo mli kɛmiiwo nyɔmɔ.