“Kaajie Onine Yɛ He”

YƐ TOIBOO kɛha Yesu famɔ akɛ ashiɛ “Maŋtsɛyeli lɛ he sanekpakpa” lɛ hewɔ lɛ, Yehowa Odasefoi yasaraa amɛ akutseiaŋbii daa. (Mateo 24:14) Mɛi komɛi boɔ Maŋtsɛyeli lɛ he sane lɛ toi jogbaŋŋ. Shi kɛlɛ Jajelɔ 11:6 woɔ ŋaa akɛ: “Leebi lɛ du odumɔnii lɛ, ni gbɛkɛ hu kaajie onine yɛ he; ejaakɛ oleee emli nɔ ni baahi, enɛ jio, enɛ jio, aloo ekolɛ enyɔ lɛ fɛɛ baahi pɛpɛɛpɛ jio.”

Ekpakpa baanyɛ ajɛ Maŋtsɛyeli lɛ yibii ni aduɔ yɛ shia kɛ shia sɔɔmɔ lɛ mli lɛ mli aba. Ákɛ nɔkwɛmɔ nɔ lɛ, yoo ko fã kɛjɛ Hamilton maŋ lɛ mli yɛ Canada kɛtee Minneapolis, Minnesota, yɛ U.S. Amerika. Ni Yehowa Odasefoi ni nyiɛ amɛsɔɔmɔ nitsumɔ lɛ nɔ lɛ kɛ lɛ kpe yɛ jɛmɛ. Yoo nɛɛ ŋma akɛ:

Kɛha Nyɛmimɛi Hii kɛ Yei ni yɔɔ Hamilton:

Enɛ ji wolo ni áŋma ni agbele naa aha mɛi fɛɛ ni yeɔ odase yɛ Hamilton lɛ. Afii pii nɛ ni mina bɔ ni nyɛkɛ nyɛhe woɔ nyɛsɔɔmɔ lɛ mli lɛ. Nyɛtɛo dumɔwui pii lɛ mishihilɛ be mli ni miida nyɛ fɛɛ shi. Beni mifa kɛba Minneapolis afi ni eho lɛ, Odasefoi krokomɛi enyɔ ba mishinaa naa. Agbɛnɛ mifee klalo. Miyoo akɛ gbii ni nyɛkɛtsuɔ nyɛsɔɔmɔ lɛ he nii lɛ baanyɛ aje mɔ nijiaŋ wui waa, ni yɛ enɛ hewɔ lɛ miisumɔ ni maha nyɛle akɛ kɛ hoo lɛ nyɛna gwantɛŋ kome tsui nɔ hewalɛ. Nyɛye nyɛbua ni nyɛto shishi ko ni mɛi krokomɛi baanyɛ atswa ama nɔ. Akɛ mi feɔ Biblia mli nikasemɔ shii enyɔ daa otsi, ni babaoo yɛ ni makase.

Manyɛ makɛɛ nyɛ akɛ yiŋtoo ko ni bɛ mishihilɛ mli yɛ tsutsu lɛ yɛ mishihilɛ mli bianɛ.

Miida nyɛ fɛɛ shi jogbaŋŋ

Laurie M.