Hetoo Ni Jwɛŋmɔ Yɔɔ Mli

Gbekɛ ko ni yaa skul yɛ Sierra Leone lɛ tsɔɔlɔi bi ni eba sɔlemɔ. Eha amɛ hetoo akɛ eyaa nikasemɔ yɛ Yehowa Odasefoi Maŋtsɛyeli Asa lɛ nɔ ni egba amɛ nibii ni ekase yɛ nɛkɛ kpeei nɛɛ ashishi lɛ ekomɛi. Tsɔɔmɔ lɛ ekome ni etsɔɔ mli ji bɔ ni Nyɔŋmɔ Maŋtsɛyeli lɛ kɛ toiŋjɔlɛ baaba shikpɔŋ nɔ ni ejie hela kɛ gbele kɛya.​—Kpojiemɔ 21:​3, 4.

Ebi etsɔɔlɔi lɛ akɛ: “Ani nyɛle nɛkɛ nibii nɛɛ?”

Amɛha hetoo akɛ: “Dabi.”

Kɛkɛ ni etee nɔ akɛ: “Saji nɛɛ kɛ ekrokomɛi pii ji nɔ ni mikase yɛ Maŋtsɛyeli Asa lɛ nɔ ni miyaa lɛ hewɔ. No hewɔ lɛ minaaa nɔ̃ hewɔ ni esa akɛ maya sɔlemɔ yɛ he ni aleee nɛkɛ saji nɛɛ ahe nɔ ko yɛ lɛ.”​—Mateo 21:⁠16.