Hetooi Ni Anyɛɔ Akɛtsuɔ Naagbai Ahe Nii

Enɛ ji nɔ ni Buu-Mɔɔ wolo tɛtrɛɛ lɛ kɛhaa. Nɔ ni nyiɛ sɛɛ nɛɛ ji nɔkwɛmɔ nɔ ko yɛ woji ni miitsɔɔ hiɛsɔɔ ni nine eshɛ nɔ lɛ ahe:

“Miida nyɛ shi kɛmiijɛ mitsui mli tɔɔ yɛ Buu-Mɔɔ lɛ ni wieɔ bɔlɛnamɔ he jeŋba kpakpa he lɛ hewɔ. Minu he akɛ eji hetoo kɛha misɔlemɔi lɛ. Titri lɛ mihiɛ sɔ gbɛ ni yɔɔ tɛɛ kɛ shiŋŋ ni nyɛkɛtsuɔ naagbai ni wɔnaa ni ebɔle wɔhe fɛɛ lɛ ahe nii lɛ.

“Be mli ni mikase klɛŋklɛŋ kwraa akɛ je lɛ bɛ nɔ ko ni sɛɛnamɔ yɔɔ he ni ekɛbaaha wɔ lɛ, mikɛ mibii lɛ ye yɛ gbɛ ni yɔɔ shiŋŋ nɔ. Jeee akɛ nɛkɛ ‘jeŋba kpakpa’ he wolo tɛtrɛɛ nɛɛ eye ebua amɛ ni amɛna osharai ni yɔɔ gbɛi komɛi ahe kɛkɛ, shi eye ebua mi hu ejaakɛ eku sɛɛ ema yiŋtsɔmɔ ni mli kwɔ ni miyɔɔ yɛ saji komɛi ahe lɛ nɔ mi. Miida shi akɛ nyɛŋma enɛ nyɛwo wolo mli kɛha wɔ fɔlɔi bɔni afee ni wɔbii lɛ anyɛ ana akɛ yɛ fɛɛ sɛɛ lɛ awo kɛ ataa jeee mɛi ni bɛ hiɛshikamɔ.

“No hewɔ lɛ nyɛyiwaladɔŋŋ akɛ nyɛtsu shihilɛi ni yɔɔ lɛ ahe nii yɛ faŋŋ mli. Wɔ akɛ fɔlɔi lɛ ahiɛ baasɔ akɛ wɔɔna nɛkɛ saji nɛɛ babaoo.”

Buu-Mɔɔ lɛ tsuɔ naagbai diɛŋtsɛ​—daatɔɔ, gbalamlitsemɔ, wekunyo kpaakpa ni akɛnaa bɔlɛ, yakayaka nifeemɔ kɛ ekrokomɛi​—ni yɔɔ gbi nɛɛ mli lɛ ahe nii ni etsɔɔ gbɛ ni Biblia lɛ baanyɛ atsɔ nɔ atsu naagbai nɛɛ ahe nii diɛŋtsɛ. Kaaha nɔ ni baatsara nɔ aba lɛ miiŋmɛɛ bo!

Nyɛfainɛ nyɛkɛ Buu-Mɔɔ wolo tɛtrɛɛ lɛ afi shɛɛ amajea mi. Mikɛ ₵60.00 miiha kɛmiiwo 12 he nyɔmɔ.