Odasefonyo Shwilafo Here Mɔ Ko Yiwala

Vicente eshwila ni eye afii 75. Esɔmɔ afii enumɔ akɛ gbɛgbalɔi awalɔ yɛ Spania, ekɛ woji tɛtrɛbii 110 baa daa nyɔŋ nɔ, efeɔ shĩa Biblia mli nikasemɔi etɛ. Gbɛkɛ ko, yɛ fɛi be mli lɛ, emɛ mɔ ni fataa ehe kɛyaa shiɛmɔ lɛ aahu shi ebaaa koni amɛya mɔ ko ni yɔɔ wiemɔ lɛ he miishɛɛ ni amɛkɛ lɛ feɔ nikasemɔ yɛ gbɛkɛ ŋmɛji 9:15 lɛ ŋɔɔ. Akɛni be shɛko kɛha nikasemɔ lɛ ni esumɔɔɔ ni efite be lɛ efolo ni eta shi kɛmiimɛ hewɔ lɛ, Vicente to eyiŋ akɛ ekome ebaaya shia kɛ shia. Nuu ni ba shinaa lɛ naa kɛ mlihilɛ bo Maŋtsɛyeli lɛ he hiɛnɔkamɔ lɛ toi ni ehe woji tɛtrɛbii enyɔ ni ekɛha lɛ lɛ. Yɛ otsii fioo ko sɛɛ beni ato gbɛjianɔ ni akɛ ehee ni eba lɛ eko ayaha nɛkɛ nuu nɛɛ lɛ, nuu lɛ kɛɛ akɛ: “Owula Vicente, eji obaaa miŋɔɔ nakai gbɛkɛ lɛ ni oba lɛ kulɛ, wɔyi enyɔ lɛ wɔwieŋ ŋmɛnɛ. No mli lɛ mito miyiŋ akɛ mikɛ tũ baagbe mihe. Nɔ ni mitaoɔ ni mafee yɛ nakai be lɛ mli pɛ ji ni magbo, shi agbɛnɛ beni mikaneɔ nɛkɛ woji tɛtrɛbii nɛɛ ni mikaseɔ babaoo yɛ Maŋtsɛyeli lɛ he lɛ, eha suɔmɔ loo nyɛmɔ ni miyɔɔ akɛ mahi wala mli lɛ mli miiwa yɛ be fɛɛ mli.