Bɔ ni obaafee oná Biblia mli nikasemɔi nɛɛ ahe sɛɛ waa
Klɛŋklɛŋ lɛ, kanemɔ saji ni yɔɔ baafa nɛɛ kɛ nɔ ni nyiɛ sɛɛ lɛ. No sɛɛ lɛ, jiemɔ VIDIO lɛ.
KLƐŊKLƐŊ FÃ
Kɛ́ oosaa ohe kɛhã nikasemɔi lɛ eko fɛɛ eko lɛ, kanemɔ klɛŋklɛŋ fã lɛ. Sanebimɔi ni adiki mli (A) lɛ, kɛ ŋmalɛi (B) lɛ maa saji otii lɛ anɔ mi. Obaana akɛ aŋma yɛ ŋmalɛi komɛi ahe akɛ “kanemɔ.”
TEŊGBƐ
Klɛŋklɛŋ sane (D) ni yɔɔ Kasemɔ Pii Ofata He lɛ shishi lɛ tsɔɔ nɔ ni baanyiɛ sɛɛ. Saneyitsei krokomɛi (E) lɛ tsɔɔ otii ni abaasusu he. Bo kɛ otsɔɔlɔ lɛ baafee ekome kɛkane ŋmalɛi lɛ, obaahã sanebimɔi lɛ hetoo, ni nyɛbaakwɛ vidioi lɛ.
Vidioi kɛ rikɔdiŋ ni baahã onu nikasemɔi lɛ shishi jogbaŋŋ lɛ, yɛ VIDIO akrabatsai lɛ amli. Vidioi lɛ ekomɛi amli saji lɛ ji saji ni ba lɛɛlɛŋ. Ekomɛi amli saji lɛ jeee saji ni ba lɛɛlɛŋ, shi adamɔ nibii ni baa yɛ shihilɛ mli lɛ anɔ afee.
Kwɛmɔ mfonirii lɛ kɛ saji ni yɔɔ amɛhe (Ɛ) lɛ ni ojwɛŋ nɔ, ni agbɛnɛ hu, okwɛ bɔ ni obaafee ohã sanebimɔ ni yɔɔ Mɛi Komɛi Kɛɔ Akɛ (F) lɛ he lɛ hetoo.
NAAGBEE FÃ
Fã ni ji Emli Oti kɛ Mɛni Okase? (G) lɛ muɔ nikasemɔ lɛ naa. Kɛ́ nyɛgbe nikasemɔ lɛ eko naa lɛ, ŋmaa deeti ni nyɛgbe naa lɛ. Atsɔɔ oti ko ni obaanyɛ otsu he nii yɛ Nɔ Ni Obaanyɛ Ofee (H) lɛ shishi. Saji komɛi yɛ Ehe Saji Krokomɛi (I) lɛ shishi ni kɛ́ oosumɔ lɛ obaanyɛ okane loo okwɛ.
Emli Saji
|
|
|
|
|
Bɔ ni obaafee ona ŋmalɛi lɛ
Woji bibii 66 yɔɔ Biblia lɛ mli. Aja mli awo fãi enyɔ mli: Hebri kɛ Aramaik Ŋmalɛ lɛ (“Kpaŋmɔ Momo”) kɛ Kristofoi A-Greek Ŋmalɛ lɛ (“Kpaŋmɔ Hee”).
Kɛ́ aatsĩ ŋmalɛ ko tã lɛ, aŋmaa Biblia mli wolo lɛ gbɛ́i lɛ (A) klɛŋklɛŋ, no sɛɛ lɛ, yitso lɛ (B), kɛkɛ lɛ, kuku lɛ loo kukuji lɛ (D) enyiɛ sɛɛ.
Akɛ nɔkwɛmɔnɔ lɛ, kɛ́ ona Yohane 17:3 lɛ, edamɔ shi kɛhã Yohane wolo lɛ, yitso 17, kuku 3.