Hiɛkpamɔ

Nibii 12 Ni Hãa Wekui Náa Miishɛɛ

Kɛ́ weku ko yeee omanye lɛ, wɔnuɔ nibii babaoo ni hãa ebaa lɛ nakai. Shi mɛni hãa miishɛɛ hiɔ wekui amli?

• Yɛ United States lɛ, kɛjɛ 1990 kɛyashi 2015 lɛ, mɛi ni eye afii 50 kɛ sɛɛ ni tse gbãla lɛ ayibɔ ku ebɔ he toi enyɔ, ni mɛi ni eye afii 65 kɛ sɛɛ ni tse gbãla lɛ hu ayibɔ ku ebɔ he toi etɛ kɛ́ akɛto afii ni eho lɛ nɔ lɛ he.

• Fɔlɔi ayiŋ efutu amɛ: Woloŋlelɔi komɛi kɛɛ esa akɛ ajie gbekɛbii ayi be fɛɛ be, ni amɛteŋ mɛi komɛi hu kɛɛ esa akɛ fɔlɔi anineshi awa waa yɛ amɛbii lɛ anɔ.

• Oblahii kɛ oblayei babaoo daraa ni amɛleee nɔ ni baaye abua amɛ ni amɛná miishɛɛ yɛ shihilɛ mli.

Shi anɔkwa sane ji akɛ . . .

• Gbalashihilɛ baanyɛ ahi shi daa ni miishɛɛ ahi mli.

• Fɔlɔi baanyɛ atsɔse amɛbii kɛ suɔmɔ.

• Oblahii kɛ oblayei baanyɛ aná hesai ni baahã amɛná miishɛɛ yɛ shihilɛ mli kɛ́ amɛdara.

Te ebaafee tɛŋŋ eba lɛ nakai? Awake! nɛɛ baahã ona nibii 12 ni hãa wekui náa miishɛɛ.