SANEBIMƆ 10
Mɛni Biblia lɛ ewo shi akɛ ebaaba wɔsɛɛ?
“Jalɔi lɛ, shikpɔŋ lɛ baatsɔ amɛnɔ, ni amɛbaahi nɔ kɛya naanɔ.”
“Shikpɔŋ lɛ yɛ kɛmiiya naanɔ.”
“Ebaami gbele kɛbaaya naanɔ, ni Nuŋtsɔ Ofe Yehowa baatsumɔ mɔ fɛɛ mɔ hiɛ yaafonui.”
“Nakai be lɛ mli lɛ, abaagbele shwilafoi ahiŋmɛii, ni abaagbele toimulɔi hu atoii. Nakai be lɛ mli lɛ, akpakei baatumɔ tamɔ baayelɔ, ni mumuii alilɛii baalá nyamɔ lala. Ejaakɛ nui baatue yɛ ŋa nɔ, ni fai hu baaho yɛ ŋa kpataa nɔ.”
“Ebaatsumɔ amɛhiŋmɛiiaŋ yaafonui fɛɛ, ni gbele bɛ dɔŋŋ, ni mɔ ko yeŋ awerɛho dɔŋŋ, ni mɔ ko woŋ yara ko hu dɔŋŋ, ni mɔ ko hu piŋŋ dɔŋŋ. Tsutsu nibii lɛ eho etee.”
“Amɛbaamamɔ tsũi ni amɛbaahi mli, ni amɛbaafee wain ŋmɔji ni amɛbaaye amɛmli yibii lɛ. Amɛmamɔŋ tsũi ni mɔ kroko ahi mli, ni amɛduŋ nii hu ni mɔ kroko aye. Ejaakɛ mimaŋ lɛ gbii lɛ baatamɔ tsei agbii, ni mɛi ni mihala lɛ baaye amɛninenaa nitsumɔ lɛ mli nii jogbaŋŋ.”