SANEBIMƆ 6
Mɛni Biblia lɛ gba yɛ Mesia lɛ he?
GBALƐ
“Bo Betlehem Efrata, . . . bo omli mɔ ni baafee nɔyelɔ yɛ Israel lɛ baajɛ aba ahã mi.”
EMLIBAA
“Afɔ Yesu yɛ Betlehem ni yɔɔ Yudea lɛ, yɛ Maŋtsɛ Herode gbii lɛ amli, ni no sɛɛ lɛ, naa! ŋulamiiaŋkwɛlɔi jɛ Bokã amɛba Yerusalem.”
GBALƐ
“Amɛjara mitadei lɛ amli amɛhã amɛhe, ni amɛfɔ̃ mitade lɛ nɔ oshiki.”
EMLIBAA
“Agbɛnɛ, be ni asraafoi lɛ kala Yesu amɛkpɛtɛ tso jaŋŋ lɛ he lɛ, amɛkɔlɔ etadei anɔhaanɔi lɛ ni amɛjara mli ejwɛ . . . Shi etade ni ewoɔ yɛ etade shishi lɛ bɛ tsamɔhe, ejaakɛ alo kɛjɛ ŋwɛi kɛyi shi. No hewɔ lɛ, amɛkɛɛkɛɛ amɛhe akɛ: ‘Nyɛkahãa wɔgbálaa no mli, shi moŋ nyɛhãa wɔfɔ̃a nɔ oshiki kɛna mɔ nɔ ni ebaatsɔ.’”
GBALƐ
“Ebuɔ ewui lɛ fɛɛ ahe; akuko ekome folo po.”
EMLIBAA
“Be ni amɛshɛ Yesu nɔ lɛ, amɛna akɛ egbo momo, no hewɔ lɛ, amɛkumɔɔɔ enaji.”
GBALƐ
“Atsu lɛ nɔ yɛ wɔnɔtɔmɔi lɛ ahewɔ.”
EMLIBAA
“Asraafoi lɛ ateŋ mɔ kome kɛ akpɔlɔ tsu eŋmawuiaŋ, ni amrɔ lɛ lá kɛ nu je mli ho.”
GBALƐ
“Amɛwo mi nyɔmɔ lɛ, jwiɛtɛi kapɛji 30.”
EMLIBAA
“Kɛkɛ ni Mɛi Nyɔŋma Kɛ Enyɔ lɛ ateŋ mɔ kome ni atsɛɔ lɛ Yuda Iskariot lɛ tee osɔfoi hiɛnaanɔbii lɛ aŋɔɔ ni eyakɛɛ: ‘Mɛni nyɛbaahã mi koni majie lɛ mahã nyɛ?’ Amɛkɛ lɛ kpaŋ akɛ amɛbaahã lɛ jwiɛtɛi kapɛji 30.”