Ekebe Mbụme

◼ Ikpenịm ukpepn̄kpọ Bible ebịghi adan̄a didie ye eyen ukpepn̄kpọ oro anamde n̄kọri?

Mfọnn̄kan n̄kpọ ndinam edi ndika iso n̄kpep n̄kpọ ye eyen ukpepn̄kpọ oro anamde n̄kọri tutu enye okụre n̄wed iba—Nso ke Bible Enen̄ede Ekpep? ye “Ẹnịm Idem Mbufo ke Ima Abasi.” Ikpenyene ndinam emi idem ọkpọkọm eyen ukpepn̄kpọ oro ana baptism mbemiso enye okụrede n̄wed mbiba. Ke enye ama akana baptism, imekeme ndika iso mbat ini, mme mfiakn̄ka, ye ukpepn̄kpọ Bible. Edieke asuanetop asan̄ade ye nnyịn onyụn̄ abuanade ke ukpepn̄kpọ oro, enye ekeme ndibat ini n̄ko.—Se Utom Obio Ubọn̄ Nnyịn eke February 2011, page 2.

Ọfọn mbufa owo ẹnen̄ede ẹfiọk akpanikọ mbemiso nnyịn itrede ndikpep mmọ n̄kpọ. Ana mmọ “ẹdọn̄ n̄kam” ke Christ ẹnyụn̄ “ẹsọn̄ọ ẹda ke mbuọtidem” man mmọ ẹkeme ndisọn̄ọ nda mbiọn̄ọ mme idomo oro mmọ ẹdisobode. (Col. 2:6, 7; 2 Tim. 3:12; 1 Pet. 5:8, 9) Ke adianade do, ana mmọ ẹnyene “nnennen ifiọk akpanikọ” man mmọ ẹkeme ndikpep mbon efen n̄kpọ uforo uforo. (1 Tim. 2:4) Ke ini ikpepde n̄wed iba ikụre ye nditọ ukpepn̄kpọ nnyịn, in̄wam mmọ ẹsọn̄ọ ẹsan̄a ke ‘usụn̄ oro adade esịm uwem.’—Matt. 7:14.

Mbemiso mbiowo ẹnyịmede owo ana baptism, akpana mmọ ẹkụt ẹte ke mme akpan ukpepn̄kpọ Bible ẹtịm ẹn̄wan̄a enye, ndien ke enye ke ada mmọ odu uwem. Mbiowo ẹkpenyene ndinen̄ede ndu ke ukpeme ke ini mmọ ẹnamde ndụn̄ọde ye eyen ukpepn̄kpọ oro mîkụreke kan̄a ukpepn̄kpọ ke akpa n̄wed. Edieke owo mîdotke ndina baptism, mbiowo ẹnyene ndikụt nte ke imanam ndutịm man ẹn̄wam enye odot ndina baptism ke ini iso.—Se n̄wed Ẹtịm man Inam Uduak Jehovah, page 217-218.

[Se ẹwetde ke ikpọ abisi ke page 2]

Ọfọn mbufa owo ẹnen̄ede ẹfiọk akpanikọ