Se Idin̄wamde Fi Esikeme Ndikot Bible Kpukpru Usen

Ndi ediwak n̄kpọ emi enyenede ndinam anam esisọn̄ fi ndikot Ikọ Abasi kpukpru usen? (Josh. 1:8) Ekpedi ntre, domo kiet ke otu mme n̄kpọ emi se ise:

• Nyene n̄kpọ emi edisitide fi kpukpru usen. Sịn alarm ke fon fo yak esiti fi okot Bible.

• Kûnịm Bible fo ke itie emi edịbede-dịbe. Ekpedi Bible emi ẹmịn̄de-mịn̄ ke esikama okot, nịm enye ke itie emi edisisọpde ikụt kpukpru usen.​—Deut. 11:18.

• Kpan̄ utọn̄ kop Bible emi ẹkotde-kot ẹdọn̄ ke Intanet. Yak edi ke anam n̄kpọ, ke akpan̄ utọn̄ okop enye emi ẹkotde-kot ẹdọn̄ ke Intanet. Tara emi edide eka nditọ, edi asiakusụn̄, afiak esinam utom okoneyo ọdọhọ: “Se isin̄wamde mi yak nsikot Bible kpukpru usen edi ami ndikpan̄ utọn̄ n̄kop enye emi ẹkotde-kot ẹdọn̄ ke Intanet ini nnamde n̄kpọ ke ufọk.”

• Kûkpa mba. Ekpedi n̄kpọ emi mûkemeke ndinyan̄a anam yak okûkeme ndikot Bible ke ini emi ekenịmde ndikot, kot ufan̄ikọ ifan̄ kpọt mbemiso odụkde idap. Ekpedi okot n̄kpri n̄kpri kpukpru usen, edisụk idadia ufọn.​—1 Pet. 2:2.