Da Ukụtiso Nam Nnennen N̄kpọ

James emi ekedide mbet Jesus ekemen Bible odomo ye ukụtiso emi an̄wamde nnyịn ikụt utọ owo emi inen̄erede idi. (Jas. 1:22-25) Didie ke ikeme ndida Bible nte ukụtiso inyụn̄ ida enye inam nnennen n̄kpọ?

Da ini tịm kot. Ikpototop enyịn ise idem ke ukụtiso, ekeme ndinam nnyịn idikwe mbat emi eyerede nnyịn ke ata idiọk itie ntem. Ikpoyom ndikụt mme n̄kpọ ke uwem nnyịn emi oyomde ikpụhọde, inaha itotop enyịn ise se idude ke Bible-o, ana ida ini itịm ikot enye.

Se idemfo kan nte esede mbon en̄wen. Enyene nte inịmde ukụtiso, nnyịn itịm ikụt owo efen, enyịn nnyịn onyụn̄ owụhọ ke mme n̄kpọ emi oyomde enye enen̄ede. Ukem oro ekeme nditịbe ye Bible. Imekeme ndida Bible n̄kụt ndudue owo efen, edi oro idin̄wamke nnyịn ikụt ndudue nnyịn inyụn̄ inen̄ede se anade nte inen̄ede.

Diọn̄ọ nte anamde n̄kpọ aban̄a se okụtde. Edieke enyịn nnyịn owụhọde kpọt ke mme n̄kpọ emi ukụtiso owụtde nnyịn emi mîfọnke, idem ekeme ndimem nnyịn. Ima ikot Bible, ọfọn idiọn̄ọ nte inamde n̄kpọ iban̄a se ikụtde. Oro ọwọrọ yak ikûkere ke iyanam n̄kpọ ndudue idụhe sia Jehovah idorike enyịn nnyịn ndinam n̄kpọ ntre.​—Jas. 3:17.