Ndi Emeben̄e Idem?

Ndi emeben̄e idem man edieke oto-obot afanikọn̄ etịbede ke edem mbufo? Ekeme ndidi etise unyekisọn̄ etịbe, oyobio ọwọrọ, mmọn̄ ọtọ emen obio, mîdịghe ikan̄ odụk obio. N̄ko, ẹkeme nditọn̄ọ ntịme ke obio ini ekededi, mbon ibak ẹkeme nditọn̄ọ ndiwot mme owo ntịme ntịme, idiọk udọn̄ọ onyụn̄ ekeme ndidụk obio ke ini owo mîdorike enyịn. (Ec 9:11) Ikpanaha ikere ke utọ n̄kpọ oro ikemeke nditịbe ke edem nnyịn.

Ana kpukpru nnyịn iben̄e idem inọ afanikọn̄. (N̄ke 22:3) Okposụkedi emi esop Jehovah ẹsin̄wamde mme owo ke ini afanikọn̄, oro iwọrọke ke ana iwawan̄ ubọk itie.—Ga 6:5.

ẸSE VIDIO ORO NDI EMEBEN̄E IDEM ỌNỌ OTO-OBOT AFANIKỌN̄? EKEM ẸBỌRỌ MME MBỤME EMI:

• 

  Didie ke ndikpere Jehovah ekeme ndin̄wam nnyịn ke ini afanikọn̄?

• 

  Ntak emi ọfọnde . . .

  • • isinyene nneme ye mbiowo mbemiso afanikọn̄ etịbede, ke ini afanikọn̄, ye ke afanikọn̄ ama ekebe?

  • • inyene ekpri ekpat emi ikemede ndisọp mmen mfehe ke ini afanikọn̄ etịbede?—g17.5 6

  • • ineme utọ afanikọn̄ emi ekemede nditịbe ke edem nnyịn inyụn̄ itịn̄ se ikpanamde edieke utọ n̄kpọ oro etịbede?

• 

  Nso idi usụn̄ ita emi ikemede ndin̄wam mbon emi afanikọn̄ etịbede ke edem mmọ?