MME AKPAN N̄KPỌ KE IKỌ ABASI | JEREMIAH 51-52
Kpukpru Se Jehovah Eketịn̄de Aban̄a Babylon Ama Osu
Jehovah ama etịn̄ ata nnennen se iditịbede ke ini iso
Otop utịgha ufọk ubọn̄ edidem Persia
“Ẹtụk mme idan̄ ẹsem”
Mbon Media ye Persia ẹkedi nta mme otop utịgha. Mmọ ẹkesima ndida idan̄ n̄n̄wana ekọn̄. Mmọ ẹma ẹsisọi idan̄ mmọ ọsọp man enen̄ede odụk owo idem ke ini ẹtịghade owo
“N̄kpọsọn̄ owo Babylon ẹmetre ndin̄wana en̄wan”
Itiatn̄wed Nabonidus ọdọhọ ete: “Udịmekọn̄ Cyrus ẹkesan̄a eyen eyen ẹdụk ẹkesobo Babylon.” Etie nte emi ọwọrọ ke mbonekọn̄ Babylon ikan̄wanake ye udịmekọn̄ Cyrus kpa nte Jeremiah eketịn̄de
Itiatn̄wed Nabonidus
“Babylon ayakabade ebok itiat, [onyun̄ ana] ndon ke nsinsi”
Ọtọn̄ọde ke isua 539 mbemiso Christ amana, Babylon ikọwọrọke etop aba. Akwa Alexander okoyom ndinam Babylon edi ibuot obio ukara esie, edi ikebịghike, enye ama akpa. Ke ntọn̄ọ ntọn̄ọ eyo mme Christian, ndusụk mme Jew ẹkesụk ẹdodụn̄ ke Babylon, oro akanam apostle Peter aka Babylon. Edi etisịm isua 400 ke Christ ama akamana, Babylon ama oforo ndon, owo inyụn̄ ifiọkke-fiọk utọ obio oro aba