Se Idin̄wamde Nnyịn Idi Nti Mme Ọkwọrọikọ—Nọ Mbufa Owo Ukpep

Ntak Emi Edide Akpan N̄kpọ: Ana mbufa mbet Jesus ẹkpep ndinam “kpukpru n̄kpọ” oro enye eketemede. Emi esịne ndikpep mme owo Ikọ Abasi. (Matt. 28:19, 20) Ediwak mbufa owo ẹsịn enyịn̄ ke Ufọkn̄wed Utom Ukara Abasi, ndien ekeme ndidi mmọ ẹsikwọrọ ikọ ẹnọ mbonufọk ye mme ufan mmọ. Edi nte mmọ ẹkade iso ẹma se mmọ ẹkpepde ẹnyụn̄ ẹdide ẹdifiọk ke Jehovah oyom kpukpru owo ẹkop eti mbụk, mmọ ẹkeme ndiyom nditiene nnyịn n̄ka ukwọrọikọ. (Rome 10:13, 14) Ke ẹma ẹkenyịme mbon oro isikpepde Bible ẹdi mme asuanetop oro mînaha baptism, oyoyom inen̄ede inọ mmọ ukpep man mmọ ẹkeme ndikwọrọ ikọ uko uko nte mmọ ẹsụk ẹkade iso ndinam n̄kpọ Abasi.—Luke 6:40.