Se Idin̄wamde Nnyịn Idi Nti Mme Ọkwọrọikọ—Kwọrọ Ikọ Nọ Mbon Emi Ẹsemde Usem En̄wen

Ntak Emi Edide Akpan N̄kpọ: Jehovah oyom mme owo “ke kpukpru idụt” ẹdiọn̄ọ imọ ẹnyụn̄ ẹnam se imọ idọhọde. (Utom 10:34, 35) Oro akanam Jesus ọdọhọ ke ẹyekwọrọ eti mbụk ke ‘ofụri isọn̄ ẹnọ kpukpru mme idụt.’ (Matt. 24:14) Zechariah ama etịn̄ nte ke mbon emi ẹsemde nsio nsio usem ke kpukpru idụt ẹyenyịme eti mbụk. (Zech. 8:23) N̄kukụt oro apostle John okokụtde owụt ke mme owo ke “kpukpru idụt ye esien ye obio ye usem” ẹyebọhọ akwa ukụt. (Edi. 7:9, 13, 14) Ntem, ọfọn idomo ndikwọrọ ikọ nnọ mbon emi ẹsemde usem en̄wen ke efakutom nnyịn.