Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke August

“Mfịn, mme owo ẹsiwak ndikere ke Jesus osụk etie nte enye eketiede ke tọsịn isua iba emi ẹkebede, nte nsekeyen emi esịnede ke usịnudia ufene m̀mê nte owo oro ọkọn̄ọde ke eto ndutụhọ. Edi afo ekere ke nso ke Jesus anam idahaemi? [Bet ibọrọ.] Se mi se n̄wed emi etịn̄de.” Yak Enyọn̄-Ukpeme eke August 1 nọ enyeneufọk, nyụn̄ neme se idude ke idak akpa ekpri ibuotikọ ke page 16 ye enye, nyụn̄ kot ke nsụhọde n̄kaha itie N̄wed Abasi kiet. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme August 1

“Ediwak owo ẹnịm ke mme utịben̄kpọ ẹsitịbe. Mbon eken ẹsiyịk m̀mê mmọ ẹsitịbe. Ndi emekere ke utịben̄kpọ ẹsitịbe? [Bet ibọrọ.] Utịben̄kpọ ini iso oro ẹn̄wọn̄ọde mi ọnọ ediwak owo idotenyịn. [Kot kiet ke otu mme itie N̄wed Abasi oro ẹdude ke page 9-10.] Magazine emi eneme ibọrọ mbụme ita oro ẹsiwakde ndibụp mban̄a mme utịben̄kpọ.”

Awake! August

“Idahaemi, ediwak owo ẹsikop ndịk ndiwọrọ nsan̄a ikpọn̄, akpan akpan ke okoneyo. Ndi emekere ke enyene se ẹkemede ndinam man afai osụhọde ubọk ke ererimbot emi? [Bet ibọrọ.] Magazine emi eneme ndusụk n̄kpọ oro kpukpru nnyịn ikemede ndinam man inen̄ede idu ke emem ye mme owo. Enye eneme n̄ko nte ntịn̄nnịm ikọ oro ọnọde owo ndọn̄esịt mi edisude.” Kot Psalm 72:7.