Mme Ukpụhọde Ẹnamde ke N̄wed Ediyarade—Ubọn̄ Ubọn̄ Ata-Utịt Esie Emekpere!

Mme ukpụhọde oro ẹnamde ke n̄wed Ediyarade—Ubọn̄ Ubọn̄ Ata-Utịt Esie Emekpere! oro ẹkesiode ke 1991, ẹdi emi ke idak. Mmọ isịneke ndusụk ukpụhọde oro ẹnamde ẹban̄a n̄kpọ nte ibat, oro ẹkemede ndikụt ke Yearbook ye ke mme n̄wed Christian eke ata ndondo emi.

IBUOT 4

p. 19, ¶4, sọhi akpatre itien̄wed emi fep: Matthew 25:31-33

IBUOT 5

p. 24, ¶3, sọhi ikọ idakisọn̄ fep edi sịn: * Kaban̄a ọyọhọ ọyọhọ n̄kpọ oro ẹnamde an̄wan̄a, se n̄wed oro Nso ke Bible Enen̄ede Ekpep? page 88-92, 215-218, emi Mme Ntiense Jehovah ẹsiode.

IBUOT 6

p. 30, ¶12, sọhi ọyọhọ udịmikọ itiokiet fep edi sịn: Ke akpatre, Constantine, Andikara Rome ama onyịme ido ukpono “Christian,” ndien emi ama ada okosụn̄ọ ke owo ndisiak Christendom, emi Ufọkederi ye Ukara ẹkebuanade ukara ẹkara ke tọsịn isua kiet.

p. 32, ekebe, sọhi akpa ikpehe ekikere fep edi sịn: Ẹma ẹnịm Jesus baptism ẹnyụn̄ ẹyet aran nte Mmeknnịm-Edidem ke Akpa Jordan ke n̄kpọ nte October 29 E.N. Isua ita ye ubak ke ukperedem, ke 33 E.N., enye ama edi temple eke Jerusalem onyụn̄ ebịn mbon oro ẹkenamde enye akabade edi itie mbon n̄wo efep. Etie nte mbiet edinam emi odu ke iduọk isua-ita-ye-ubak oro ọtọn̄ọde nte ẹkedori Jesus ke ebekpo ke heaven ke October 1914 tutu osịm ini enye edide ndidụn̄ọde mbon oro ẹdọhọde ke idi Christian nte ikpe ọkọtọn̄ọde ye ufọk Abasi. (Matthew 21:12, 13; 1 Peter 4:17) Ke ntọn̄ọ ntọn̄ọ 1918 akwa ukọbọ ama osịm utom Obio Ubọn̄ eke ikọt Jehovah. Enye ekedi ini udomo ke ofụri isọn̄, ndien ẹma ẹken̄ mbon esịt ndịk ẹsion̄o. Ke May 1918 mme ọkwọrọ ederi Christendom ẹma ẹsịn nsọk ke n̄kpọkọbi oro ẹkebierede ẹnọ mme akama-utom Watch Tower Society, edi ọfiọn̄ usụkkiet ke ukperedem ẹma ẹsana mmọemi ẹyak. Ekem, ẹma ẹbiat nsunsu edori ikọ oro ẹkedoride mmọ ẹfep. Ọtọn̄ọde ke 1919 esop ikọt Abasi, oro ẹma ẹkedomo ẹse ẹnyụn̄ ẹnam ọfọn, ama akaiso ifịk ifịk ke ndikwọrọ Obio Ubọn̄ Jehovah ke ubọk Christ Jesus nte idotenyịn odude ọnọ ubonowo.—Malachi 3:1-3.

IBUOT 8

p. 40, ¶8, udịm 5, sọhi “125 ke” fep edi sịn: 130 ke

p. 40, ¶10, sọhi akpatre udịmikọ fep edi sịn: Ke Akwa Esopikpe eke United States ikpọn̄, Mme Ntiense Jehovah ẹma ẹnyene edikan ke ikpe 50.

IBUOT 10

p. 50, ¶11, sọhi ikọ idakisọn̄ fep edi sịn: * Ke uwụtn̄kpọ, se ibuotikọ oro “Mme Anam-Akpanikọ Iban Christian—Ọsọn̄urua Mme Andituak Ibuot Nnọ Abasi” ke nsiondi Enyọn̄-Ukpeme eke November 1, 2003.

IBUOT 11

p. 56, ¶9, sọhi ọyọhọ udịm 9 esịm utịt fep edi sịn: Ke se iban̄ade emi, magazine Enyọn̄-Ukpeme ọmọnọ nsịnudọn̄ ke ndineme mme utọ ibuotikọ nte, “Ẹka Iso Ẹwụt Se Mbufo ke Idem Mbufo Ẹdide” ye “Idụhe Uwem Aba Inọ Idem Nnyịn.”* Sia inyenede utọ un̄wam N̄wed Abasi oro, ẹyak nnyịn iwụt se nnyịn idide ke esịt esịt nte nnyịn in̄wanade ndisan̄a ke nsụhọdeidem ye ke akam mmụm nsọn̄ọnda n̄kama ke iso Jehovah.—Psalm 26:1-3; 139:23, 24.

p. 56, ¶9, sọhi ikọ idakisọn̄ fep edi sịn: * Se Enyọn̄-Ukpeme, July 15, 2005, ye March 15, 2005.

IBUOT 12

p. 61, ¶14, sọhi ikọ idakisọn̄ fep edi sịn: ^# Magazine Enyọn̄-Ukpeme, emi otu John emịn̄de, amakaiso ndiwụt nte edide usọp usọp n̄kpọ ndida ifet emi nnam n̄kpọ nnyụn̄ mbuana ọyọhọ ọyọhọ nte ikekeme ke utom ukwọrọikọ; ke uwụtn̄kpọ, se mme ibuotikọ oro “Yak Kpukpru N̄kpọ Ẹbụk Ubọn̄ Jehovah” ye “Uyom Mmọ Ọmọwọrọ ke Ofụri Isọn̄” ke nsiondi Enyọn̄-Ukpeme eke January 1, 2004. Ke nsiondi eke June 1, 2004, ke ibuotikọ oro “Ọfọfọn Ọnọ Mbon Oro Ẹnọde Abasi Ubọn̄,” ẹma ẹsọn̄ọ ẹtịn̄ ẹban̄a edibe “ana-in̄wan̄ usụn̄” oro ndụk utom uyọhọ-ini. N̄wakn̄kan ibat mme asiakusụn̄ 1,093,552 ẹma ẹnọ ibatutom ke orụk utom ntre ke ọfiọn̄ kiet ke 2005.

IBUOT 13

p. 69, ¶11, sọhi akpatre udịmikọ fep edi sịn: Ke ekperede ndidi isua 40 mbemiso osịmde ini, mmọ ẹma ẹnyan ubọk ẹwụt 1914 nte isua oro ẹnịmde idiọn̄ọ ke prọfesi Bible nte utịt ini mme Gentile, emi mme n̄kpọntịbe emi ẹkamade n̄kpaidem ẹditienede.—Ediyarade 1:10.

p. 71, ¶14, udịm 6-7, sọhi “awakde ebe miliọn 27 ke 1990” fep edi sịn: awakde ebe miliọn 59 ke 2006

p. 73, ¶23, udịm 13, sọhi: Matthew 25:31 fep

IBUOT 16

p. 90, ¶4, sọhi udiana ikọ idakisọn̄ fep edi sịn: * Ke oyomde ọyọhọ n̄kpọ nsọn̄ọ nte ke Jesus ama edi ke Obio Ubọn̄ esie ke 1914, se page 215-218 ke n̄wed Nso ke Bible Enen̄ede Ekpep? emi Mme Ntiense Jehovah ẹsiode.

p. 90, ¶6, sọhi ikpehe ekikere emi fep edi sịn: Ntak, ndien, anade Edidem oro ẹyaride anyanya obufa obufa mi awat aka ekọn̄? Ntak edi koro ẹwụkde ukara esie ke ufọt ọkpọsọn̄ ubiọn̄ọ otode etubom asua Jehovah, Satan kpa Devil, ye mme andidụn̄ isọn̄—ẹmi ke n̄koi-nnam m̀mê ke unana-n̄koi-nnam—ẹn̄wamde mme uduak Satan. Emana Obio Ubọn̄ oro ke idemesie oyom ẹn̄wana akamba ekọn̄ ke heaven. Ke an̄wanade ekọn̄ ke enyịn̄ Michael (emi ọwọrọde “Anie Etie Nte Abasi?”), Jesus akan Satan ye mme demon esie onyụn̄ osion̄o mmọ ọduọn̄ọ ke isọn̄. (Ediyarade 12:7-12) Uwat edikan eke Jesus akaiso ke ofụri ediwak isua eke usen Ọbọn̄ ke adan̄aemi ẹtan̄de mbon mbieterọn̄ ẹbok. Okposụkedi ofụri ererimbot osụk esịnede “ke ubọk andidiọk,” Jesus ke ima amakaiso ndikpeme nditọete esie oro ẹyetde aran ye mme nsan̄a mmọ, an̄wamde mmọ kiet kiet ndinyene edikan ke mbuọtidem.—1 John 5:19.

p. 91, ¶9, sọhi akpatre udịmikọ fep edi sịn: N̄kọri edi n̄wọrọnda ke mme obio Catholic ye mme idụt oro ata ibak ibak ukọbọ ẹkedude—utọ nte Germany, Italy, ye Japan, ẹmi Mme Ntiense idahaemi ke mme idụt ẹmi ẹtọtde mme ọsọn̄idem asan̄autom an̄wautom ẹmi ofụri ibat enen̄erede awak ẹbe 600,000.—Isaiah 54:17; Jeremiah 1:17-19.

p. 94, ¶18, sọhi ikpehe ekikere emi fep edi sịn: Nte nnyịn ikpọdọhọ ke emi edi edikan oro ifiọk ubot n̄kpọekọn̄ akande? Utu ke oro, enye edi uyarade nte ke anana-esịtmbọm awat ididuot enan̄-mbakara oro odu ke usọp usọp uwat. Ndien usọp usọp uwat oro editre ke m̀mọ̀n̄? Ndusụk ntaifiọk ẹtịn̄ ẹte ke ẹkeme ndin̄wana ekọn̄ nuclear ke unana idotenyịn—owo itịn̄ke-tịn̄ iban̄a ikan̄ nsobo nuclear oro ẹduakde-duak ndisịn! Edi ke edide n̄kpọ inemesịt, Awat afia enan̄-mbakara oro akande mi enyene mme ekikere efen aban̄a n̄kpọ emi.

p. 97, ¶28, sọhi ikpehe ekikere emi fep edi sịn: Akpan n̄kpọntịbe eke ndondo emi edi “idiọk udọn̄ọ.” Ke etienede nsobo Ekọn̄ Ererimbot I oro, Udọn̄ọ efiomnsa ama owot owo ẹwakde ẹbe miliọn 20 ke ufan̄ ọfiọn̄ ifan̄ eke 1918-1919. N̄kukụre ebiet ke isọn̄ oro ọkọbọhọde nsobo emi ekedi ekpri isuo St. Helena. Ke mme ebiet oro ẹkewotde akwa ubak mbio-obio, ẹma ẹtan̄ ifia ẹbok ẹsịn ikan̄ ndifọp okpo owo. Ndien udọn̄ọ esịt ye cancer oro ẹdude mfịn ẹdi enyene-ndịk n̄kpọntịbe, emi ekese otode ofụm oro un̄wọn̄ asabarede. Ke se ẹkekotde “idiọk isua duop” eke iduọk isua 1980, usụn̄uwem oro edumbet Bible owụtde ke edi ubiatibet ama ada unọmọ AIDS adian ke “idiọk udọn̄ọ” emi. Ke isua 2000, ẹkedọhọ ke akwa asiak-owo-idem U.S. okokot AIDS “akpatre idiọk udọn̄ọ oro akanam ererimbot ọdiọn̄ọde.” Enye ọkọdọhọ nte ke owo miliọn 52 ke ofụri ererimbot ẹnyene HIV/AIDS, ndien ke otu oro, owo miliọn 20 ẹma ẹkpan̄a. Ikọt Jehovah ẹwụt esịtekọm didie ntem nte ke item ọniọn̄ oro ẹkụtde ke Ikọ esie emekpeme mmọ osio ke use ye edida iyịp nnam n̄kpọ ke idiọk usụn̄, emi ata ediwak udọn̄ọ oro ẹmende mfịn, ẹtode!—Utom 15:28, 29; men 1 Corinth 6:9-11 domo.

IBUOT 18

p. 106, ¶7, sọhi ikpehe ekikere emi fep edi sịn: Ekọn̄ Ererimbot II ama ada ikpọ ukpụhọde en̄wen edi. Ndien n̄kpri ekọn̄ ye edinam oyomonsia ofụri ererimbot ẹkaiso ndinyen̄e isọn̄. Ndịk oro mbon edinam oyomonsia m̀mê mme idụt oro ẹkamade n̄kpọekọn̄ oro ẹnamde ndida nsobo ediwak owo esịnde owo ke idem anam ediwak owo ẹdu ke n̄kpaidem.

p. 106, sọhi ọyọhọ mbụme 7-9 (b) fep edi sịn: Ikpọ nnyen̄e emi ẹdude ke n̄kaowo ke ini edidu Jesus ke akpatre edisịne nso idaha ke otu ubonowo?

p. 107, ¶9, sọhi ọyọhọ udịmikọ ita fep edi sịn: N̄kịmn̄kịm ini oro eketienede ke akpanikọ ekedi ubak ubak edisu prọfesi Jesus oro aban̄ade edidu esie. Emi esịne ‘editịmede esịt ndimụm mme idụt isọn̄ oro mîfiọkke usụn̄ ubọhọ . . . idem onyụn̄ eyemerede owo oto ke ndịk ye edikama enyịn nse mme n̄kpọ eke ẹwọrọde ẹnọ ekondo.’ (Luke 21:7-9, 25-31)*

p. 107, ¶11, sọhi ọyọhọ udịmikọ ita fep edi sịn: Ntọt ofụri ererimbot emi ọnọ ererimbot Satan ntọt.*

p. 109, ¶17, sọhi ọyọhọ udịmikọ iba emi, oro etienede Ediyarade 6:12b, 13 fep: Enye ada aban̄a ata akpatre idaha nsobo oro Jesus ekebemde iso etịn̄ prọfesi aban̄a ke Matthew 24:29.

IBUOT 20

p. 123, ¶11, sọhi ọyọhọ udịmikọ inan̄ fep edi sịn: Ke ini ẹkemịn̄de n̄wed emi, mme itie ẹwakde ẹbe 125 ke ofụri ererimbot ke ẹkekama nsio nsio orụk MEPS ẹnam utom, ndien emi aman̄wam ẹkeme ndimịn̄ magazine oro esiwọrọde edi ikaba ke ọfiọn̄, kpa Enyọn̄-Ukpeme, ke ukemini ke usem ẹwakde ẹbe 130.

p. 128, ¶30, sọhi akpatre udịmikọ emi fep edi sịn: Esisịt ibat kpọt ke otu ubonowo, ẹsịnede owo ekededi ke otu 144,000 ẹmi ẹkefịkde idiọn̄ọ oro ekemede ndisụk ndu ke obụkidem ye akwa otuowo eke mme erọn̄ en̄wen ẹdikeme “ndida,” oro edi, nditiene mmọ mbọhọ.—Jeremiah 35:19; 1 Corinth 16:13.

IBUOT 22

p. 143, sọhi ekpri ibuotikọ fep edi sịn: Ufen N̄kukun̄kpọyọriyọ Mfịn

p. 146, ¶16, sọhi mme udịmikọ oro ẹtienede Ediyarade 9:10 fep edi sịn: Emi ọkpọwọrọ nso? Nte mmọ ẹnamde utom Obio Ubọn̄ mmọ, Mme Ntiense Jehovah ẹda ikọ ye n̄wed ẹsuan n̄kpọsọn̄ ikọ ẹmi ẹkọn̄ọde ke Ikọ Abasi. Etop mmọ ẹtop owo nte ikpeyen sia mmọ ẹtọtde usen usiene Jehovah oro asan̄ade ekpere. (Isaiah 61:2) Mbemiso n̄kukun̄kpọyọriyọ eke spirit ẹmi ẹdude ke emana emi ẹkpan̄ade ẹkụre, ẹyekụre utom oro Abasi odoride mmọ nditan̄a ubiereikpe Jehovah—ẹdade ufen ẹsọk kpukpru mme ọsọn̄-obotitọn̄ oro ẹsụn̄ide enyịn̄ Abasi.

p. 146, ¶17, sọhi ikọ idakisọn̄ fep edi sịn: * Enyịn̄ oro ẹkefiakde ẹkot magazine emi ekedi Consolation ke 1937 ye Awake! ke 1946.

p. 147, ¶19, sọhi udịm 7-13 fep edi sịn: (Matthew 24:3-14; Ediyarade 12:1-10) Ke oro ebede, enye ama okot oto n̄wed ediomi oro ẹkemịn̄de ke London ke 1917 oro mme ọkwọrọ ederi itiaita ẹkenyụn̄ ẹsịnde ubọk, ẹmi ẹkedọhọde ke mmọ ẹdu “ke otu ata ikpọ mme ọkwọrọikọ ke ererimbot.”

IBUOT 24

p. 160, ¶21, udịm 11, sọhi “mbon mbieterọn̄” fep edi sịn: mme asua

p. 160, ¶21, udịm 16, sọhi “Matthew 25:31-34, 41, 46” fep edi sịn: Philippi 1:27, 28

p. 160, sọhi ọyọhọ mbụme 21 (b) fep edi sịn: Ntak emi eti mbụk edide idiọk mbụk ọnọ mme asua?

IBUOT 25

p. 162, ¶4, sọhi ikọ idakisọn̄ fep edi sịn: * Ke oyomde ọyọhọ nneme aban̄ade akwa temple eke spirit emi, se mme ibuotikọ oro “Akwa Temple Jehovah eke Spirit” ke nsiondi Enyọn̄-Ukpeme eke July 1, 1996, ye “Temple Akpanikọ Kiet Ndituak Ibuot ke Esịt” ke nsiondi eke December 1, 1973.

p. 162, ¶5, sọhi ọyọhọ udịmikọ ita fep edi sịn: Ke mme prọfesi N̄wed Abasi eke usem Hebrew, utọ edidomo oro ama ọnọ ubiọn̄ nte ke ẹyekpe unenikpe ke ntak mme mfọnmma edumbet Jehovah.

p. 162, ¶7, sọhi ọyọhọ udịmikọ iba oro etienede Ediyarade 11:2 fep edi sịn: Nte nnyịn idikụtde, se ẹtịn̄de ẹtụk mi edi ata ọfiọn̄ 42 ọtọn̄ọde ke December 1914 tutu osịm June 1918, ke ini ẹkesịnde kpukpru mbon oro ẹdọhọde ke idi Christian ke ọkpọsọn̄ udomo.

p. 164, ¶12, sọhi ọyọhọ udịmikọ ita fep edi sịn: Adianade do, ke ntọn̄ọ usen Ọbọn̄, ikpehe ini eke isua ita ye ubak oro ẹkenịmde idiọn̄ọ ama odu ke ini n̄kpọsọn̄ ufen eke ikọt Abasi ẹkedide ukem ye mme n̄kpọntịbe oro ẹketịn̄de prọfesi ẹban̄a mi—ọtọn̄ọde ke December 1914 onyụn̄ akaiso tutu osịm June 1918.

p. 165, sọhi uwetn̄kpọ ndise fep edi sịn: Utom edifiak mbọp oro Zerubbabel ye Joshua ẹkenamde okowụt nte ke usen Ọbọn̄ akwa n̄kọri ke otu Mme Ntiense Jehovah eyetiene n̄kpri ntọn̄ọ. Mme utọ ufọkutom ẹmi ẹwụtde ke enyọn̄ emi, ẹmi ẹdude ke Brooklyn, New York, ẹkenyene ndidi se ẹtatde akamba akamba man ẹkeme ndiyụhọ mme udọn̄ mmọ

p. 165, ¶15, udịm 5, sọhi “(Matthew 17:1-3; 25:31)” fep edi sịn: (Matthew 17:1-3)

IBUOT 26

p. 175, ¶12, sọhi ikọ idakisọn̄ fep edi sịn: * Ewetmbụk owo Rome oro, Tacitus, ọtọt ete ke ini ẹkebọde Jerusalem ẹda ke 63 M.E.N., Cneius Pompeius okonyụn̄ odụkde esịt temple oro, enye ama okụt nte temple anade ukpọk. Ekebe ediomi ikodụhe ke esịt.—History eke Tacitus, 5.9.

IBUOT 27

p. 185, ekebe, sọhi ọyọhọ ikpehe ekikere itiokiet fep edi sịn: Ke Spain ẹma ẹdụk ufọk ẹbọ mme Christian isop ẹnyụn̄ ẹsịn mmọ ke ufọk-n̄kpọkọbi ke ntak “ubiatibet” editịn̄ ikọ mban̄a Abasi ye edinịm mme mbonoesop Christian. Ukọbọ emi ke akpatre ama etre ke 1970, ke ini ẹkeyakde Mme Ntiense Jehovah ẹsịn enyịn̄ ke n̄wedibet, ke ntak ukara okokpụhọrede ido ekenyenede aban̄a mme ido ukpono oro mîdịghe Catholic.

p. 185, ¶28, sọhi akpa udịmikọ iba fep edi sịn: Idiọk idiọk ukwọ eke ukọbọ emi ama osịm n̄kon̄ n̄kan idaha ke ini Ekọn̄ Ererimbot II. Ke Europe ẹma ẹkọbi n̄kpọ nte Mme Ntiense 12,000 ẹtem ke mme itienna ekikere ye ufọk-n̄kpọkọbi Nazi, ndien n̄kpọ nte owo 2,000 ẹma ẹkpan̄a.

IBUOT 28

p. 187, ¶4, sọhi ikọ idakisọn̄ fep edi sịn: * Ke oyomde ọyọhọ mbụk, mbọk se page 165-179 ke n̄wed oro, Nọ Ntịn̄enyịn ke Prọfesi Daniel! emi Mme Ntiense Jehovah ẹsiode.

p. 190, ¶15, sọhi akpa udịmikọ ita fep edi sịn: Kaban̄a odudu ukara ọyọhọ itiaba eke unam oro, ekọn̄ oro ekedi ata akamba nsobo. Ke adianade ye mme idụt Europe eken, Britain ama ataba n̄kparawa owo esie ke ibat oro enyenede ndịk. Ke ekọn̄ kiet kpọt, kpa Ekọn̄ Inyan̄ Somme ke 1916, ibat n̄kpan̄a ye mbon unọmọ Britain ẹkedi 420,000 ọkọrọ ye n̄kpọ nte mbon France 194,000 ye mbon Germany 440,000—kpa se iwakde ikan ibat n̄kpan̄a ye mbon unọmọ 1,000,000!

p. 192, ¶22, sọhi udịmikọ emi fep ke ọyọhọ udịm 16, edi sịn: Idomo mmọ ẹma ẹsịm ata akpatre ke May 1918,

IBUOT 29

p. 202, ¶14, sọhi udịm 1-4 fep edi sịn: Owo 144,000 ẹdi mmọemi “ẹkefakde ẹsio ẹfep ke isọn̄,” “ẹkefak mmọ ẹsio ke otu owo.” Ẹmeda mmọ ẹdisịn nte nditọ Abasi, ndien ke mmọ ẹma ẹkeset ke n̄kpa,

IBUOT 30

p. 209, ¶10, sọhi udịm 1-2 fep edi sịn: Etisịm iduọk isua 1870 mme Christian oro ẹyetde aran ẹma ẹtọn̄ọ

p. 209, sọhi ọyọhọ mbụme 10 fep edi sịn: Nso ikotịbe etisịm iduọk isua 1870, ndien didie ke Akwa Babylon akanam n̄kpọ aban̄a emi?

p. 211 ¶23, sọhi udịmikọ ita, inan̄, ye ition fep edi sịn: Ke ebe oro, Jesus osụk ibuot. Akpa, ọtọn̄ọde ke 1919 akaiso, enye amanam mme angel esie ẹkụre utom edidọk owo 144,000. (Matthew 13:39, 43; John 15:1, 5, 16) Udiana, idọk editan̄ akwa otuowo eke mme erọn̄ en̄wen mbok amada itie. (John 10:16; Ediyarade 7:9)

IBUOT 32

p. 231, ¶27, sọhi ọtọn̄ọde ke “Matthew 24:42, 44” tutu esịm utịt fep edi sịn: (Matthew 24:42, 44; Luke 12:37, 40) Ke afiakde ọnọ ntọt emi, apostle Paul ama ọdọhọ ete: “Usen Ọbọn̄ [Jehovah] ọmọn̄ edi nte inọ ke okoneyo. Ini mme owo ẹdọhọde ẹte, idu ke emem ye ifụre, kpa adan̄aoro ke nsobo abuat mmọ.” Satan edi ntak utọ abian̄a abian̄a mfiori “emem ye ifụre” oro.—1 Thessalonica 5:2, 3.

IBUOT 33

p. 243, ¶21, sọhi udiana akpatre udịmikọ fep edi sịn: Ke edide akpan n̄kpọ, pope emi eketịn̄ ikọ ata esisịt aban̄a Jesus Christ m̀mê Obio Ubọn̄ Abasi ke utịn̄ikọ esie.

p. 245, ¶25, udịm 4-5, sọhi “(Ediyarade 14:8; 17:2)” fep edi sịn: (Ediyarade 14:8; 17:4)

IBUOT 34

p. 246, ¶1, sọhi udiana akpatre udịmikọ fep edi sịn: Edi n̄kukụt emi amakabade edi akama-nduaidem ata idem-n̄kpọ ke eyo nnyịn.

p. 249, ¶10, sọhi ọyọhọ udịmikọ inan̄ fep edi sịn: Nte ekemde ye ntọt otode International Peace Research Institute, ẹma ẹwot mme owo ẹwakde ẹsịm miliọn ition ke ntak ekọn̄ ke 1986 ikpọn̄!

p. 250, ¶12, ikọ idakisọn̄, sọhi “1981” fep edi sịn: 1993

p. 251, ¶14, sọhi ikpehe ekikere emi fep edi sịn: Ke mme isua ndondo emi, mbon mbre ukara ẹmeda ikọ oro “emem ye ifụre” ẹtịn̄ ẹban̄a nsio nsio n̄ka owo. Nte utọ ukeme oro, emi mme adaiso ererimbot ẹsịnde, anam 1 Thessalonica 5:3 ọtọn̄ọ ndisu? Mîdịghe nte Paul eketịn̄ n̄kukụre aban̄a n̄wọrọnda akpan n̄kpọntịbe oro edinen̄erede okpon tutu odụri ntịn̄enyịn ofụri ererimbot? Sia mme ntịn̄nnịm ikọ Bible ẹsitịmde an̄wan̄a ke mmọ ẹma ẹkesu m̀mê ke ẹsụk ẹsude, nnyịn inyene ndibet man ise. Kan̄a ke emi, mme Christian ẹdiọn̄ọ ẹte ke ukpụhọde ndomokiet ididụhe ke emem ye ifụre ekededi oro etiede nte ke mme idụt ẹnyene. Ibụk, usua, ubiatibet, n̄wụre ubon, oburobụt ido, udọn̄ọ, ntuan̄a, ye n̄kpa ẹyesụk ẹdu. Ntak edi oro mfiori “emem ye ifụre” baba kiet mîkpetịnke fi usụn̄, edieke afo odude ke edidemede aban̄a se mme n̄kpọntịbe ererimbot ẹwọrọde onyụn̄ akpan̄de utọn̄ ọnọ mme ntọt ke Ikọ Abasi.—Mark 13:32-37; Luke 21:34-36.

IBUOT 36

p. 259, ¶4, sọhi akpatre udịmikọ iba fep edi sịn: Ke 1914 Jesus ama akabade edi Edidem ke heaven, ndien ọtọn̄ọde ke ini oro enye ke owụt odudu ke isọn̄ nte nsan̄a Edidem ye Ebiereikpe Jehovah. Odot, ndien, nte ke enye ekpenyene nditọt iduọ Akwa Babylon.

p. 260, ¶9, sọhi akpa udịmikọ inan̄ fep edi sịn: Iduọ Babylon eset ke 539 M.E.N. ekedi ntọn̄ọ iduọ anyanini oro akadade osịm enye ndina ndon. Ukem ntre, toto ke akpa ekọn̄ ererimbot, odudu ido ukpono Babylon omosụhọde akamba akamba ke udomo eke ofụri ererimbot. Ke Japan, ẹma ẹtre utuakibuot nnọ andikara eke Shinto ke etienede ekọn̄ ererimbot ọyọhọ iba.

p. 265, ¶22, sọhi akpatre ikọ emi fep:—Men Matthew 24:15, 16 domo.

p. 266, ¶28, sọhi ọyọhọ udịmikọ ita ye inan̄ fep edi sịn: Ke udomo oro enye ọkọnọde, enye enyene ndibọ utịm ikaba. Owo idiwụtke mbọm ndomokiet sia Akwa Babylon mîkatuaha mbon unọmọ esie mbọm.

IBUOT 38

p. 277, ¶17, sọhi akpatre udịmikọ iba fep edi sịn: Ke Christ okụrede edikan esie, edieke owo ekededi ke otu mbon oro ẹyetde aran osụk odude ke isọn̄, mmọ ibịghike ẹyebọ utịp mmọ eke heaven ndikadiana ye ekemmọ mme andibuana ke otu an̄wanndọ. Adan̄aoro ndien, ke ekemini Abasi, ndọ Eyenerọn̄ ekeme ndida itie!

p. 277, ¶18, sọhi akpa udịmikọ fep edi sịn: Ikọ prọfesi ke Psalm 45 etịn̄ nte n̄kpọntịbe oro akadade itie ke adiana ke adiana.

IBUOT 39

p. 281, ¶10, sọhi akpatre udịmikọ iba fep edi sịn: Adianade do, “kpukpru mme angel” ẹyenam n̄kpọ ẹnọ Jesus nte enye etiede ke ubọn̄ ubọn̄ ebekpo esie onyụn̄ akade iso ndikpe ikpe nnọ mme idụt ye mme owo ke isọn̄. (Matthew 25:31, 32) Ke akpanikọ, ke ekọn̄ ubiere eneni oro, ke ini ẹdidade mme ubiereikpe Abasi ẹkesịm utịt, Jesus eyetọn̄ọ ntak edi se mme angel esie ẹtienede.

IBUOT 41

p. 296, ¶5, sọhi akpa udịmikọ ita fep edi sịn: Mmanie ẹsụhọ oro ẹdikpede ikpe mmọ ke akpa isọn̄ ye akpa ikpaenyọn̄ ẹma ẹkebe ẹfep? Idịghe nsụhọ eke owo 144,000 ẹmi ẹyetde aran, koro ẹma ẹkpekpe ikpe mmọemi ẹnyụn̄ ẹfịk mmọ idiọn̄ọ. Edieke owo ekededi ke otu mbon oro ẹyetde aran osụk odude uwem ke isọn̄ ke Armageddon ama okokụre, ana mmọ ẹkpan̄a esisịt ini ke oro ebede ẹnyụn̄ ẹbọ utịp mmọ ke heaven oto ediset ke n̄kpa. (1 Peter 4:17; Ediyarade 7:2-4)

IBUOT 43

p. 311, ¶19, sọhi mme udịmikọ oro ẹtienede “Ediyarade 11:15; 12:10” fep edi sịn: Ke utịt ini, spirit ye n̄wanndọ ẹmenọ mbon oro ẹnyenede esịt akpanikọ ikot ẹte ẹdibọ mmọn̄ uwem ke ikpîkpu. Mmọn̄ oro otode akpa emi ayaka iso ndidu nnọ utọ mme owo oro tutu osịm utịt editịm n̄kpọ emi ndien, ke oro ebede, ebe osịm obufa ererimbot, ke ini emi Obufa Jerusalem “otode ke Abasi osụhọde ke heaven edi.”—Ediyarade 21:2.

p. 312, ¶26, sọhi akpa ye udiana udịmikọ fep edi sịn: Mme eto oro, ẹmi ẹnyenede mmọn̄ mfọn mfọn ẹto akpa oro, ẹkeme ndisịne owo 144,000 oro ẹdide n̄wanndọ Eyenerọn̄. Ke adan̄aemi ẹdude ke isọn̄, mbon ẹmi n̄ko ẹn̄wọn̄ ẹto ndutịm oro Abasi anamde aban̄a uwem ebe ke Jesus Christ. Nte enemde, ke ntịn̄nnịm ikọ ẹkot nditọete Jesus oro ẹbonde ke spirit “ikpọ eto edinen ido.” (Isaiah 61:1-3, NW; Ediyarade 21:6)