Se Ẹkpetịn̄de Ẹban̄a Mme Magazine

Enyọn̄-Ukpeme Nov. 15

“Ke eset, ediwak owo ẹkenịm ke akpanikọ ẹte ke usen kiet isọn̄ ayakabade edi paradise. Mfịn, ndusụk owo ẹyịk m̀mê isọn̄ ayakam ọbọhọ. Nso ke afo ekere aban̄a ini iso isọn̄? [Bet ibọrọ.] Kop se Bible etịn̄de aban̄a emi. [Kot Psalm 37:11.] Magazine emi eneme n̄kpọ efen efen aban̄a se Bible ebemde iso etịn̄ aban̄a isọn̄.”

Awake! Nov. 22

“Afịna ndusụk owo nte ke ẹbiat n̄kann̄kụk ke usụn̄ oro owo mîkemeke ndifiak ndiọn̄. Nte afo ekere ke idotenyịn idụhe iban̄a mfịna emi? [Bet ibọrọ.] Andibot ikanamke isọn̄ man akabade edi ifụm emi owo mîdụn̄ke. [Kot Isaiah 45:18.] Magazine emi anam an̄wan̄a nte ẹdidiọn̄de isọn̄.”

Enyọn̄-Ukpeme Dec. 1

“Ndusụk owo mfịn ẹnana mbuọtidem ke Abasi. Ntak kiet edi koro mmọ mîkemeke ndinyene ibọrọ oro ọnọde uyụhọ ke mme mbụme oro ẹtịmerede owo nte mmọ emi. [Nọ uwụtn̄kpọ to ekebe oro odude ke page 6.] Nsiondi Enyọn̄-Ukpeme emi eneme akpan n̄kpọ oro an̄wamde ndikọri ata mbuọtidem ke Abasi.” Kot Philippi 1:9.

Awake! Dec. 8

“Nte afo emekere ke ubonowo ayadara mme utọ idaha oro ẹtịn̄de ẹban̄a mi tutu amama? [Kot Isaiah 14:7. Ekem bet ibọrọ.] Magazine emi esịne nti ntọt oro ẹkemede ndinyene ufọn nnọ nnyịn ke adan̄aemi ibetde edisu mme un̄wọn̄ọ Abasi.” Tịn̄ esisịt ban̄a ibuotikọ oro “How Can You Resist Wrong Desires?” (Didie ke Afo Ekeme Ndibiọn̄ọ Ndiọi Udọn̄?)