Owo Emi Ekpekpebede​—Lydia

Okposụkedi emi Lydia edide obufa mbet, enye oyom usụn̄ akama Paul ye mme nsan̄a esie isen. (Utom 16:14, 15) Oro anam enye akabade edi ufan mmọ. Ke ini ẹsiode Paul ye Silas ke ufọk-n̄kpọkọbi, m̀mọ̀n̄ ke mmọ ẹka? Ẹfiak ẹka ufọk Lydia!​—Utom 16:40.

Ukem nte Lydia, ndi emekeme ndiyom usụn̄ mmehe ye mbon en̄wen? Didie ke ekeme ndinam emi? Tọn̄ọ nsịtnsịt. Domo ndisineme nneme ye owo kiet kiet. Emekeme ndidomo ndisitọn̄ọ nneme ye owo kiet ini ekededi oro odụkde mbono esop Christian. Domo ndisituak inua imam. Edieke mûfiọkke se ekpetịn̄de, bụp mbụme mîdịghe tịn̄ n̄kpọ ban̄a idemfo. Tịm kpan̄ utọn̄ ke ini mbon en̄wen ẹtịn̄de ikọ. Nte ini akade, ekeme ndidi ­ayama ndisineme nneme. Mme owo ẹsima mbon en̄wen ẹtịn̄ ndinem ikọ ye mmimọ. (Mme N̄ke 16:24) Lydia ama enyene nti ufan ke ntak emi enye ekenemde itie okonyụn̄ amade ndikama isenowo. Edieke ekpebede Lydia, afo n̄ko eyenyene nti ufan!