Anie Ikasiak Ufọkabasi Mme Ntiense Jehovah?

Mme Ntiense Jehovah ẹketọn̄ọ utom mmọ eke eyomfịn ke 1870. Ini oro, nditọ ukpepn̄kpọ Bible ifan̄ emi ẹkedụn̄de ẹkpere Pittsburgh ke Pennsylvania, ke United States ẹma ẹtọn̄ọ ndisịn idem ndụn̄ọde Bible. Mmọ ẹma ẹsimen se ẹkpepde ke mme ufọkabasi ẹdomo ye se Bible ekpepde. Mmọ ẹma ẹtọn̄ọ ndimịn̄ se mmọ ẹkpepde ndọn̄ ke mme n̄wed, n̄wedmbụk n̄kpọntịbe, ye magazine oro idiọn̄ọde mfịn nte Enyọn̄-Ukpeme​—Ọnọ Ntọt Obio Ubọn̄ Jehovah.

Ete kiet emi ekekerede Charles Taze Russell ama odu ke otu mmọ. Kpa ye oro edide Russel akada iso ke utom ukpep Bible ini oro onyụn̄ ewet akpa Enyọn̄-Ukpeme, enye ikasiakke obufa ido ukpono. Russell ye Nditọ Ukpepn̄kpọ Bible eken ẹkeyom ndikpep se Jesus Christ ekekpepde nnyụn̄ nnam se akpa mme Christian ẹkesinamde. Sia edide Jesus akasiak Ido Ukpono Christ, nnyịn ida enye nte andisiak esop nnyịn.​—Colossae 1:18-20.