Bible Usem Georgian

USEM Georgian, Armenian, Coptic, Latin, Syriac ye mme usem ẹsịne ke otu akpa usem emi ẹkekabarede Bible ẹsịn. Ebe n̄kpọ nte isua 1,550 tọn̄ọ ẹkekabade mme Gospel, mme leta Paul, ye N̄wed Psalm ẹsịn ke usem Georgian. Nte ini akakade, ediwak owo ẹma ẹkabade Bible ke usem Georgian ẹnyụn̄ ẹsion̄o mmọ ẹwet. Oro anam nsio nsio Bible odu ke usem emi.a

Ndusụk n̄wed usem Georgian ọdọn̄ọ se Bible etịn̄de; ndusụk se mbon Georgia ẹmade m̀mê ẹsuade oto Bible. Ke uwụtn̄kpọ, idiọk mbụk emi aban̄ade ọbọn̄ an̄wan emi ekekerede Shushanik, oro ẹkewetde ke n̄kpọ nte isua 1,520 emi ekebede, ọdọn̄ọ mme ikọ Bible. Ọwọrọetop uto oro, Vepkhvistqaosani (The Knight in the Panther’s Skin), emi Shota Rustaveli ekewetde ke n̄kpọ nte ọyọhọ isua 1220, etịn̄ aban̄a nti ido Christian. Enye ama ewet aban̄a ndidi ufan, nditat ubọk nnọ owo n̄kpọ, ndima isenowo, ye mme n̄kpọ ntre. Mbon Georgia ẹsụk ẹda mme n̄kpọ emi nte ata akpan n̄kpọ tutu mfịn.