Kad Mbenọfọn̄ Ekedi “N̄wedisan̄” Mmọ

“KE 1987, se ibede owo 1,000 ẹkedụk Mbono District ‘Edibuọt Idem ye Jehovah’ ke Guékédou ke Guinea. Sia ebiet emi ẹkenịmde mbono oro ekekperede adan̄a Sierra Leone ye Liberia, ediwak owo emi ẹketode idụt mbiba emi ẹdidụk mbono oro ẹkemek ndisito idụt mmọ ndidụk kpukpru usen. Edi mmọ ikenyeneke n̄wedisan̄. Ntre, nditọete emi ẹkamade ifetutom ẹma ẹka ẹkenyene nneme ye mbon ukara emi ẹsikpemede adan̄a ẹnyụn̄ ẹbiere se ẹdinamde. Se ẹkebierede edi ke mme andidụk mbono ẹdikama n̄wedisan̄ kiet kpọt—oro edi, kad mbenọfọn̄ mbono mmọ! Ke ini mme bodisi emi ẹkpemede adan̄a ẹkekụtde ediye utouto kad mbenọfọn̄ mbono, mmọ ẹma ẹsọsọp ẹdọhọ mme andidụk mbono ẹbe.”—Everett Berry, akani isụn̄utom.