Se Akpanamde Man Mme Uwụtn̄kpọ Oro Ẹdude ke Bible Ẹn̄wan̄a Fi

Ata ediwak uwụtn̄kpọ ẹdọn̄ọ ke Bible. Edi mme uwụtn̄kpọ oro ẹsisọn̄ ndin̄wan̄a ediwak mbon emi ẹkotde Bible. (Matt. 13:13) Nso ikeme ndin̄wam fi ọdiọn̄ọ se mme uwụtn̄kpọ oro ẹdọn̄ọde ke Bible ẹnen̄erede ẹwọrọ? Domo ndinam mme n̄kpọ emi ise:

• Diọn̄ọ se ẹtịn̄de ẹban̄a ye se ẹmende enye ẹdomo. Mme uwụtn̄kpọ ẹsinyene se ẹtịn̄de ẹban̄a ye se ẹmende ẹdomo ye n̄kpọ emi ẹtịn̄de ẹban̄a. Ke uwụtn̄kpọ, Ediyarade 3:3 emen edidi Jesus (se ẹtịn̄de ẹban̄a) odomo ye nte inọ esikade ufọk owo (se ẹmende ẹdomo).

• Domo ndikụt nte se ẹtịn̄de ẹban̄a ebietde se ẹmende enye ẹdomo. Yom mme ntak ye mme n̄kpọ oro anamde se ẹtịn̄de ẹban̄a ebiet se ẹmende enye ẹdomo.

• Kụt ete ke uwụtn̄kpọ oro an̄wan̄a fi ke nnennen usụn̄. Se ẹtịn̄de ẹban̄a ye se ẹmende enye ẹdomo ẹsinyene se mmọ ẹdade ẹbiet kiet eken. Se mmọ ẹdade ẹbiet kiet eken ekeme ndinam yak uwụtn̄kpọ oro an̄wan̄a owo ke usụn̄ emi mînenke. Ke uwụtn̄kpọ ikọnọde ke enyọn̄ oko, Jesus idịghe ndiyịp n̄kpọ ndomokiet. Utu ke oro, se ẹkenemede owụt nte ke edidi Jesus editie nte emi inọ esikade ufọk owo, oro edi ke ini owo mîdorike enyịn, ntọt inyụn̄ idụhe ke enye ke edi.