Nam Se Idin̄wamde Fi Etetịm Enịm ke Jehovah Ekeme Ndinyan̄a Fi

Kot Numbers 13:25–14:4 man okụt nte nditọ Israel mîkọbuọtke idem ye Jehovah.

Nen̄ede kere nsio nsio n̄kpọ emi ẹketịbede ke mbụk oro. Nso ikpakanam nditọ Israel ẹnịm ke Jehovah enyene odudu ndinyan̄a mmọ nte mmọ ẹkpọn̄de Egypt? (Ps. 78:12-16, 43-53) Nso ikanam mmọ ẹkûbuọt idem aba ye Jehovah? (Deut. 1:26-28) Didie ke Joshua ye Caleb ẹkewụt ke mmimọ imọbuọt idem ye Jehovah?​—Num. 14:6-9.

Nen̄ede kere mme n̄kpatan̄a n̄kpọ ke mbụk oro. Nso ke nditọ Israel ẹkpekenam man mmọ ẹtetịm ẹbuọt idem ye Jehovah? (Ps. 9:10; 22:4; 78:11) Ndibuọt idem ye Jehovah asan̄a nso ye ndikpono enye?​—Num. 14:11.

Kere mme n̄kpọ emi ekpepde oto mbụk oro. Bụp idemfo:

• ‘Nso ye nso ikeme nditịbe emi akpanamde ọsọn̄ mi ndibuọt idem ye Jehovah?’

• ‘Nso ke n̄keme ndinam man ntetịm mbuọt idem ye Jehovah idaha-emi ye ke ini iso?’

• ‘Nso ke n̄kpenen̄ede nnịm akwa ukụt ama osụk ọtọtọn̄ọ ntem?’​—Luke 21:25-28.