NTE CHRISTIAN OKPODUDE UWEM
Ẹn̄wam Nditọ Mbufo Ẹnam Se Mmọ Ẹkpepde ke Ikọ Abasi
Usụn̄ kiet emi mme ete ye eka ẹkemede ndin̄wam nditọ mmọ ẹnam se mmọ ẹkpepde ke Ikọ Abasi edi ndin̄wam mmọ ẹdia ufọn mbono esop. Se mme uyen ẹkụtde, ẹkopde, ye mbụme oro mmọ ẹbọrọde ekeme ndin̄wam mmọ ẹdiọn̄ọ Jehovah ẹnyụn̄ ẹdi ufan esie. (De 31:12, 13) Edieke enyenede eyen, didie ke ekeme ndin̄wam eyen fo adia ufọn mbono esop?
Nam se ekekeme man esidụk mbono esop ke Ufọkmbono Obio Ubọn̄.—Ps 22:22
Sineme nneme ye nditọete ke Ufọkmbono Obio Ubọn̄ mbemiso mbono esop ọtọn̄ọde ye ke mbono esop ama akasuana.—Heb 10:25
N̄wam kpukpru owo ke ubon fo ẹnyene n̄wed oro ẹkpepde ke mbono esop, edide ke fon m̀mê enye oro ẹmịn̄de-mịn̄
N̄wam eyen fo eben̄e idem ndibọrọ mbụme ke idemesie.—Mt 21:15, 16
Tịn̄ nti ikọ ban̄a mbono esop ye se esikpepde do
N̄wam nditọ fo ẹsitiene ẹnam Ufọkmbono Obio Ubọn̄ asana ẹnyụn̄ ẹsineme nneme ye ikpọ owo
Isimemke utom ndin̄wam nditọ ẹkpere Jehovah. Edi, Jehovah ekeme ndin̄wam fi.—Isa 40:29.
ẸSE VIDIO ORO MME ETE YE EKA ẸBERIEDEM KE JEHOVAH NDIN̄WAM MBUFO, EKEM ẸBỌRỌ MME MBỤME EMI:
Nso ke ekaha akanam Zack ye Leah an̄wan esie?
Nso inam ọfọn mme ete ye eka ẹyom Jehovah an̄wam mmọ?
Didie ke Zack ye Leah an̄wan esie ẹkeyak Jehovah an̄wam mmọ?