NTE CHRISTIAN OKPODUDE UWEM
Da Idemfo Nte Jehovah Adade
‘Jehovah esinem esịt ye ikọt esie.’ (Ps 149:4) Kpa ye oro nnyịn mîfọnke ima, enye esikụt nti edu oro inyenede ye nti n̄kpọ oro ikemede ndinam. Ndusụk ini, ekeme ndisọn̄ nnyịn ndikụt nti n̄kpọ oro isinamde. Nte mme owo ẹnamde n̄kpọ ye nnyịn ekeme ndinam ikere ke nnyịn iwọrọke n̄kpọ. Ndinen̄ede n̄kere mban̄a ndudue oro ikanamde ekeme ndinam ikere ke Jehovah imaha nnyịn. Nso ikeme ndin̄wam nnyịn edieke isikerede n̄kpọ ntem?
Kûfre ke Jehovah esikụt se mbon en̄wen mîkwe ke idemfo. (1Sa 16:7) Ọwọrọ ke enye ọdiọn̄ọ nnyịn akan nte nnyịn idiọn̄ọde idem nnyịn. Bible an̄wam nnyịn idiọn̄ọ nte Jehovah adade nnyịn. Ima ikot Bible iyokụt nsio nsio itie Bible ye nsio nsio mbụk oro owụtde nte Jehovah amade ikọt esie.
ẸSE VIDIO ORO KÛYAK ESỊT ABIAN̄A FI, JEHOVAH KE AMAMA FI, EKEM ẸBỌRỌ MME MBỤME EMI:
Nso ke uwụtn̄kpọ efehe-itọk ye ete esie ekpep nnyịn aban̄a nte Jehovah adade nnyịn?
Edieke owo anamde akwa idiọkn̄kpọ, ekem anam n̄kpọ emi owụtde ke enye akabade esịt, nso idin̄wam enye enịm ke enye ekeme ndifiak n̄kpere Abasi?—1Jo 3:19, 20
Didie ke brọda oro ndikokot nnyụn̄ ntie n̄kere mbụk David ye Jehoshaphat akan̄wam enye?