NTE CHRISTIAN OKPODUDE UWEM
Nam Se Idin̄wamde Fi Enen̄ede Enịm ke Bible Edi Ikọ Abasi
Ikọ Abasi ekeme ndikpụhọde mme owo. (Heb 4:12) Edi, edieke iyomde item Bible enen̄ede an̄wam nnyịn, ana inen̄ede inịm ke Bible edi “Ikọ Abasi.” (1Th 2:13) Nso ke ikpanam man inen̄ede ikụt ke Bible edi N̄wed Abasi?
Sikot Bible kpukpru usen. Ke ini okotde Bible, yom n̄kpọ emi owụtde ke Jehovah enyene Bible. Ke uwụtn̄kpọ, dụn̄ọde nsio nsio item oro ẹdude ke n̄wed Mme N̄ke nyụn̄ se nte mme item emi ẹfọnde ye mme owo kpukpru ini.—N̄ke 13:20; 14:30.
Tọn̄ọ ndidụn̄ọde Bible. Dụn̄ọde Bible man enen̄ede ọdiọn̄ọ mme n̄kpọ emi ẹwụtde ke ẹkeda edisana spirit Abasi ẹwet Bible. Ke N̄wed Ndụn̄ọde Mme Ntiense Jehovah, ka ibuotikọ emi “Bible,” ekem kụbọde ibuotikọ emi “Abasi Ọkọnọ Spirit Esie Ẹda Ẹwet.” Edieke odụn̄ọrede se idude ke Enyọn̄-Ukpeme No. 4 2016, oyokụt ke etop Bible ikpụhọkede.
ẸSE VIDIO ORO NTAK EMI INỊMDE KE . . . BIBLE EDI N̄WED ABASI, EKEM ẸBỌRỌ MME MBỤME EMI:
Didie ke se ẹkekụtde ke ibibene temple ke Karnak, emi odude ke Egypt, owụt ke mbụk Bible edi akpanikọ?
Isan̄a didie idiọn̄ọ ke etop Bible ikpụhọkede?
Didie ke Bible ndisụk ndu nsịm mfịn emi owụt ke enye edi Ikọ Abasi?—Kot Isaiah 40:8