Nte Akpadade “Se Ekemede Nditịn̄” Eneme Ikọ Abasi

Esop Abasi ẹsida ini ẹkere mbemiso ẹwetde se idude ke “Se Ekemede Nditịn̄,” ndien ediwak nditọete ẹsima ndida enye n̄kwọrọ ikọ. Sia mme owo mînamke n̄kpọ ukem ukem ke kpukpru itie, nditọete ẹkeme ndikpụhọ nte mmọ ẹtọn̄ọde nneme ke ini mmọ ẹkwọrọde ikọ mîdịghe ẹneme ibuotikọ en̄wen emi mme owo ke edem mmọ ẹdimade. Edi ana kpukpru owo ẹkwọrọ ikọ nte ẹdọhọde ke ini san̄asan̄a ukwọrọikọ. Iyom ndinam ofụri se ikekeme man ikwọrọ eti mbụk Obio Ubọn̄ Abasi nte Jesus ọkọdọhọde.​—Mt 24:14.

Ke ini ẹnamde nnamn̄wụt ke mbono esop, ana mbon oro ẹnyenede n̄kpọ ndinam ẹneme se ẹtịn̄de ẹban̄a ke “Se Ekemede Nditịn̄” emi odude ke N̄wed Mbono Esop Uwem ye Utom Nnyịn. (Ke uwuṭn̄kpọ, ke ọfiọn̄ July ye August, “Se Ekemede Nditịn̄” aban̄a uduak Abasi.) Nditọete ẹkeme ndikpụhọ nte ẹdinamde, ẹkpụhọ mbụme, ẹkpụhọ itie N̄wed Abasi, m̀mê se ẹdinemede ini en̄wen man mme owo ke edem mmọ ẹma se mmọ ẹkwọrọde, ibọhọke ẹdọhọ owo okûkpụhọ. Se itịn̄de emi ke ida ikpụhọde se idude ke page 8 ke n̄wed mbono esop June 2020.