Idụhe Mfịna Ndomokiet Emi Edidude ke Nsinsi

Mfịna esinam idem emem nnyịn, akpan akpan edieke mfịna oro ebịghide akan nte ikekerede. David ama ọdiọn̄ọ ke mfịna oro Edidem Saul ekenyenede ye imọ eyetre usen kiet usen kiet, ndien ke imọ iyedi edidem nte Jehovah ọkọn̄wọn̄ọde. (1Sa 16:13) Mbuọtidem emi David ekenyenede akanam enye enyene ime ebet Jehovah.

Ke ini inyenede mfịna, ọniọn̄ ye mbufiọk ẹkeme ndin̄wam nnyịn ikọk mfịna oro. (1Sa 21:​12-14; N̄ke 1:⁠4) Edi ndusụk mfịna isisọpke ikụre idem ke ima ikanam ofụri se N̄wed Abasi etịn̄de aban̄a mfịna oro. Edieke oro etịbede, ana inyene ime ibet Jehovah. Ibịghike, enye ọmọn̄ anam ofụri mfịna nnyịn ẹtre onyụn̄ ‘ọkwọhọde kpukpru mmọn̄eyet ke enyịn nnyịn efep.’ (Edi 21:⁠4) Edide Jehovah anam n̄kpọ man mfịna nnyịn etre, mîdịghe n̄kpọ etịbe emi anamde mfịna oro osụhọde ubọk, se idiọn̄ọde edi ke idụhe mfịna ndomokiet emi edidude ke nsinsi. Ndidiọn̄ọ emi ekeme ndidọn̄ nnyịn esịt.

ẸSE VIDIO ORO IKỌT ABASI ẸDIANA KIET KE ERERIMBOT EMI UBAHADE OKPONDE, EKEM ẸBỌRỌ MME MBỤME EMI:

• Nso mfịna ke ndusụk Mme Ntiense Jehovah ke United States ẹkenyene?

• Didie ke mmọ ẹkenyene ime ẹnyụn̄ ẹwụt ke imama kiet eken?

• Didie ke mmọ ẹkeka iso ẹnam “se idide akpan n̄kpọ ikan”?​—Php 1:⁠10