Yak Mbọm Mme Owo Anam Fi

Mbọm esinam owo ada n̄kpọ emi etịbede ọnọ owo en̄wen nte ke etịbe ọnọ imọ, anam owo ekere nte etiede owo en̄wen ke idem, onyụn̄ ekere aban̄a se owo en̄wen oyomde. Isisọn̄ke mme owo ndidiọn̄ọ ke nnyịn imenen̄ede iyom ndin̄wam mmimọ. Edieke iwụtde ke mbọm mbon emi ikwọrọde ikọ inọ anam nnyịn, mmọ ẹyekụt ke Jehovah enen̄ede ama mmimọ onyụn̄ ekere aban̄a mmimọ; oro oyonyụn̄ anam mmọ ẹnyịme ndidi ikọt esie.—Php 2:4.

Nditua owo mbọm idịghe n̄kpọ inua inua. Akpana nte ikpan̄de utọn̄, itịn̄de ikọ, inamde n̄kpọ, inyụn̄ inịmde iso esiwụt ke mbọm mme owo anam nnyịn. Edieke mbọm owo anamde nnyịn, oro ayanam isikere iban̄a enye. Iyoyom usụn̄ idiọn̄ọ nte n̄kpọ etiede ye enye, se enye amade, ye se enye enịmde ke akpanikọ. Imekeme nditeme enye n̄kpọ emi edin̄wamde enye inyụn̄ inanam ndusụk n̄kpọ in̄wam enye, edi ikpanaha inyenyịk owo okpụhọde. Ke ini mbon oro ikwọrọde ikọ inọ ẹnyịmede ndikpep Bible, oro ayanam inen̄ede ikop idatesịt ndikwọrọ ikọ.

ẸSE VIDIO ORO YAK NDIN̄WAM MME OWO ẸDIKPONO ABASI ANAM FI OKOP IDATESỊT—KPEP NDIYAK MBỌM MME OWO ANAM FI, EKEM ẸBỌRỌ MME MBỤME EMI:

• 

  Ke ini Jenny ekedide ke idiọk ini, didie ke Anita okowụt ke mbọm esie anam imọ?

• 

  Ke ini Jenny ọkọdọhọde ke imọ idikemeke ndikpep n̄kpọ, didie ke Anita okowụt ke mbọm esie anam imọ?

• 

  Ke ini Jenny ọkọdọhọde ke imọ isikemeke ndibon n̄kpọ ke nde ke nde, didie ke Anita okowụt ke mbọm esie anam imọ?