Se Idin̄wamde Nnyịn Idi Nti Mme Ọkwọrọikọ—Ndida ke An̄wa N̄kwọrọ Ikọ Nnọ Owo Emi Mûkwe Iso

NTAK EMI EDIDE AKPAN N̄KPỌ: Sia mme inọ, utọtọ, ye mbon ibak ẹwakde ke ererimbot, mme owo isisọpke iberede usụn̄ufọk mmọ inọ owo. Idem ekeme ndinyek nnyịn ke ini iyomde ndikwọrọ ikọ nnọ owo emi nnyịn mîkwe iso, edi emi okụtde nnyịn. Enyene mme n̄kpọ emi ẹkemede ndin̄wam nnyịn ikwọrọ ikọ inọ owo uko uko kpa ye oro nnyịn mîkwe enye iso.

NTE AKPANAMDE:

• Kûkere ke owo idikpan̄ke utọn̄. Owo nditre ndiberede usụn̄ufọk esie iwọrọke ke enye idimaha ndikop ukwọrọikọ

• Ti ke owo ekeme ndikụt fi onyụn̄ okop se etịn̄de idem mbemiso ọkọn̄de usụn̄ufọk esie

• Ke ini owo esịnede ke ufọk etịn̄ ikọ ye afo, tịn̄ ikọ ye enye nte okponyụn̄ etịn̄de edieke okpokụtde enye iso ye iso. Tuak inua imam nyụn̄ tịn̄ ikọ nte esitịn̄de. Tịn̄ se akaduakde nditịn̄ edieke enye ekpekeberede usụn̄ ọwọrọ edi. Edieke ekpri odudu odude ke usụn̄ufọk esie, kûmen iso ukûdian do. Edieke owo mîbọrọke fi, be ka ufọk en̄wen

• Kpeme se anamde ye se etịn̄de ke ama ọkọkwọrọ ikọ ama, sia ekeme ndidi enyeneufọk ke ese fi, ke onyụn̄ akpan̄ utọn̄