MME AKPAN N̄KPỌ KE IKỌ ABASI | GENESIS 29-30
Jacob Ọdọ N̄wan
Jacob ikọdiọn̄ọke mme mfịna emi enye edinyenede ke ama ọkọdọ ndọ. Rachel ye Leah ẹma ẹkabade iban ufụp. (Ge 29:32; 30:1, 8) Kpa ye ofụri se ikọwọrọde Jacob, enye ama okụt ke Jehovah osụk ododu ye imọ. (Ge 30:29, 30, 43) Nte ini akakade, nditọ esie ẹma ẹkabade idụt Israel.—Ru 4:11.
Mfịn, mbon emi ẹdọde ndọ ẹsinyene nsio nsio mfịna. (1Co 7:28) Kpa ye oro, mmọ ẹsụk ẹkeme ndikop inemesịt ke ndọ mmọ edieke mmọ ẹbuọtde idem ye Jehovah ẹnyụn̄ ẹnamde item Bible.—N̄ke 3:5, 6; Eph 5:33.