Nte Ebe ye N̄wan Ẹkpenamde Ndọ Mmọ Afiak Enem

Abraham ye Sarah ẹma ẹnen̄ede ẹma ẹnyụn̄ ẹkpono kiet eken, ndien eti uwụtn̄kpọ ke mmọ ẹkenịm oro ẹnọ mme ebe ye n̄wan. (Ge 12:​11-13; 1Pe 3:⁠6) Edi oro iwọrọke ke mmọ ikenyeneke mfịna ndomokiet. Nso ke ebe ye n̄wan ẹkeme ndikpep nto Abraham ye Sarah?

Ẹsineme nneme ye kiet eken. Edieke ebe m̀mê n̄wan fo etịn̄de se iyatde fi ke ntak emi esịt mînemke enye, kûbọ ke iyatesịt, edi domo ndifiọk se inam enye etịn̄ ikọ ntre. (Ge 16:​5, 6) Ẹsinyene ini ẹnọ kiet eken. Yak se etịn̄de ye se anamde owụt ebe m̀mê n̄wan fo ke amama enye. Ata akpan n̄kpọ emi mbufo ẹkpenamde edi ndisitie kiet n̄kpep Ikọ Abasi, mbọn̄ akam, nnyụn̄ ndiana kiet n̄kpono Jehovah. (Ec 4:12) Ndọ oro enemde esinọ Jehovah ubọn̄ sia enye ọkọtọn̄ọ ndọ.

ẸSE VIDIO ORO SE IKPANAMDE MAN NDỌ NNYỊN AFIAK ENEM, EKEM ẸBỌRỌ MME MBỤME EMI:

• Nso ye nso ikowụt ke Shaan ye Kiara ikekpereke kiet eken aba?

• Ntak emi ọfọnde ebe ye n̄wan ẹsitịn̄ esịt mmọ ẹnọ kiet eken?

• Didie ke uwụtn̄kpọ Abraham ye Sarah akan̄wam ebe ye n̄wan ke vidio oro?

• Nso ye nso ke ebe ye n̄wan oro ẹkenam man ndọ mmọ afiak enem?

• Ntak emi ebe ye n̄wan mîkpekereke ke mfịna ididụhe ke ndọ mmimọ?