Eti Edu-Uwem ye Ukpono Esinam Owo Okpụhọde

Eti edu-uwem nditọete iban esinam mme ebe mmọ ẹnyịme ndikpep Bible. Edi ekeme ndiyom mmọ ẹyọ ke ediwak isua. (1Pe 2:21-23; 3:1, 2) Edieke ọbọde ufen ke ntak emi anamde n̄kpọ Jehovah, ka iso ndida eti edu-uwem n̄kan idiọk ubọk. (Ro 12:21) Eti edu-uwem fo ekeme ndinyene ufọn n̄kan se afo etịn̄de.

Domo ndifiọk nte etiede ebe fo ke idem. (Php 2:3, 4) Domo ndinam enye okụt ke emekere aban̄a enye, nyụn̄ sịn idem nam utom fo nte n̄wan. Sikpan̄ utọn̄ nọ enye. (Jas 1:19) Nyene ime, nyụn̄ nam ebe fo ọfiọk ke amama enye. Ọkpọkọm ebe fo ikponoke fi inyụn̄ ifọnke ido ye afo nte afo ọfọnde ye enye, fiọk ete ke Jehovah okụt kpukpru nti n̄kpọ oro afo anamde.—1Pe 2:19, 20.

ẸSE VIDIO ORO JEHOVAH ESIN̄WAM NNYỊN IYỌ SE IWỌRỌDE NNYỊN, EKEM ẸBỌRỌ MME MBỤME EMI:

• N̄kpọ eketie didie ye Grace Li ke ini enye ọkọdọde ndọ obufa?

• Nso ikanam enye ọtọn̄ọ ndikpep Bible?

• Didie ke Sista Li ọkọyọ mme idomo oro enye okosobode ke enye ama akana baptism?

• Nso ke Sista Li ekeben̄e Jehovah anam ọnọ ebe esie?

• Didie ke Jehovah ọdiọn̄ Sista Li ke ntak emi enye enyenede eti edu-uwem onyụn̄ enen̄erede okpono ebe esie?