Se Idin̄wamde Nnyịn Idi Nti Mme Ọkwọrọikọ—N̄wam “Mbon Oro Ẹnyenede Eti Esịt” Ẹkabade Ẹdi Mbet

NTAK EMI EDIDE AKPAN N̄KPỌ: Jehovah esinam “mbon oro ẹnyenede eti esịt oro edinamde mmọ ẹnyene nsinsi uwem” ẹma akpanikọ oro ikpepde mmọ. (Ut 13:48; 1Co 3:7) Edieke idade ini nnyịn ke an̄wautom inen̄ede in̄wam mbon emi ẹnamde se ikpepde mmọ, ọwọrọ imadiana ye Jehovah inam utom emi. (1Co 9:26) Oyom inam nditọ ukpepn̄kpọ Bible nnyịn ẹfiọk ke akpana owo ana baptism man ẹnyan̄a enye. (1Pe 3:21) Akpana ikpep mmọ ẹkpụhọde nte mmọ ẹdude uwem, ikpep mmọ ndikwọrọ ikọ nnyụn̄ n̄kpep mme owo n̄kpọ, inyụn̄ in̄wam mmọ ẹyak idem ẹnọ Jehovah. Ntem ke idin̄wam mmọ ẹkabade ẹdi mbet.—Mt 28:19, 20.

NTE AKPANAMDE:

• Ti nditọ ukpepn̄kpọ Bible fo ke ekpep mmọ Bible man mmọ ẹfiọk Jehovah ẹnyụn̄ ẹnam se inemde enye esịt.—Joh 17:3

• N̄wam mmọ ẹtre ndiọi nsan̄a ẹnyụn̄ ẹkpụhọde edu-uwem mmọ man ẹdot ndinam n̄kpọ Abasi

• Sọn̄ọ mmọ idem mbemiso ẹnade baptism ye ke ẹma ẹkena baptism.—Ut 14:22

ẸSE VIDIO ORO JEHOVAH ABASI AYAN̄WAM FI, EKEM ẸBỌRỌ MME MBỤME EMI:

• Nso ikeme ndinam ndusụk owo ẹtre ndiyak idem nnọ Abasi nnyụn̄ nna baptism?

• Didie ke mbiowo ẹkeme ndin̄wam nditọ ukpepn̄kpọ Bible ẹsịn idem ke n̄kpọ Abasi?

• Nso ke Isaiah 41:10 ekpep nnyịn aban̄a Jehovah?

• Mme edu ewe idin̄wam nnyịn inam n̄kpọ Jehovah ke usụn̄ oro enye amade, kpa ye oro nnyịn mîfọnke ima?