“Se Abasi Ama Akadian . . . ”

Ibet Moses ọkọdọhọ yak owo emi oyomde ndisio n̄wan esie ndọ ewet n̄wed usiondọ ọnọ enye. Emi ama ọnọ owo ifet ndinen̄ede n̄kere mbemiso osiode n̄wan esie ndọ. Edi ke eyo Jesus, mme adaiso ido ukpono ẹma ẹnam emem utom ndisio owo ndọ. Ẹma ẹnyịme ẹdian̄ade ndọ ke ntak ekededi. (“n̄wed usiondọ” se ẹwetde ẹban̄a Mr 10:4, nwtsty; se ẹwetde ẹban̄a Mr 10:11, nwtsty) Jesus ama anam ẹfiọk ke Jehovah ke idemesie ọkọtọn̄ọ ndọ. (Mr 10:​2-12) Akpana ebe ye n̄wan ẹdi “obụk kiet” ke ofụri eyouwem mmọ. N̄kukụre n̄kpọ emi N̄wed Abasi ọdọhọde ke ẹkeme ndida nsio owo ndọ edi “use”; se ẹtịn̄de edi oro ke Matthew 19:9 emi ẹnemede ukem n̄kpọ emi.

Ediwak owo mfịn ẹse ndọ nte mme Pharisee ẹkesede, isehe nte Jesus. Ke ini mfịna odude ke ndọ mmọ, mmọ ẹsisọsọp ẹdian̄ade. Edi mme Christian isinamke ntre. Mmọ idaha un̄wọn̄ọ oro mmọ ẹkedade ke usen ndọ mmọ ibre mbre. Ntre, mmọ ẹsida item N̄wed Abasi ẹbiere mfịna ekededi oro mmọ ẹnyenede. Ẹse vidio emi Ndima Nnyụn̄ N̄kpono Kiet Eken Esinam Ubon Ẹdiana Kiet, ekem ẹbọrọ mme mbụme emi:

• 

  Didie ke afo ekeme ndinam item oro odude ke Mme N̄ke 15:1 ke ndọ fo, ndien ntak emi edide akpan n̄kpọ?

• Edieke anamde se idude ke Mme N̄ke 19:​11, didie ke oro edinam fi ọbọhọ ndusụk mfịna?

• Edieke etiede fi nte ke ndọ fo iwọrọke n̄kpọ aba, mme mbụme ewe ke okpobụp idemfo utu ke ndikere ndidian̄ade ndọ?

• Didie ke ndinam item oro ẹnọde ke Matthew 7:12 edinam fi edi eti ebe m̀mê eti n̄wan?