NTE CHRISTIAN OKPODUDE UWEM
Nte Akpanamde N̄kpọ ke Ini Esịmde Enyịnusụn̄ Ufọk Owo
Nnyịn Mme Ntiense Jehovah “idi n̄kpọ ndise inọ ererimbot.” (1Co 4:9) Ntem, ndi ọmọdiọn̄o ke ndusụk owo ẹsida ke window ẹse nnyịn, mîdịghe ẹdiana ke edemusụn̄ man ẹkop se itịn̄de? Ndusụk owo ẹsikam ẹsịn camera ke esịt ebiet mmọ man ẹkụt mme owo ẹnyụn̄ ẹkop se mmọ ẹtịn̄de. Ndusụk camera oro ẹsịnde ke ufọk ẹsimum se ẹnamde ẹnịm. Se ndusụk n̄kpọ oro akpanamde mi ke ini esịmde enyịnusụn̄ ufọk owo.—2Co 6:3.
DU UWEM NTE CHRISTIAN (Php 1:27):
Kûnyụn̄ọ esịt ufọk owo ke ini enyene ufọk mîdịghe idiberede usụn̄ inọ fi. Kûdia n̄kpọ, kûn̄wọn̄ n̄kpọ, kûkot owo ke fon, kûnyụn̄ unọ owo etop ke fon ke ini esịmde enyịnusụn̄ ufọk owo
DIỌN̄Ọ NTE ETỊN̄DE IKỌ (Eph 4:29):
Ama esịm enyịnusụn̄ ufọk owo, kûtịn̄ ikọ ekededi emi mûkpumaha enyeneufọk okop. Ndusụk nditọete ẹsitre nneme man ẹda ini oro ẹkere se ẹdinemede ye enyeneufọk