Ufak Anam Mme Akpan̄kpa Ẹkeme Ndiset

Editi n̄kpa Jesus esinam nnyịn ifiak itie ikere mme edidiọn̄ oro ufak edinamde nnyịn inyene ke ini iso, utọ nte ediset ke n̄kpa. Jehovah ikoyomke nnyịn ikpa toto ke ntọn̄ọ. Ntak edi oro esinen̄erede abiak nnyịn ke ini owo nnyịn akpade. (1Co 15:26) Ama abiak Jesus etieti ke ini enye okụtde mme mbet esie ẹtuade ke ini Lazarus akpade. (Joh 11:33-35) Sia Jesus anamde n̄kpọ nte Ete esie, emi anam nnyịn idiọn̄ọ ke esibiak Jehovah n̄ko ke ini enye okụtde nnyịn ifụhọde n̄kpa owo nnyịn. (Joh 14:7) Enen̄ede ọdọn̄ Jehovah ndinam mme asan̄autom esie oro ẹkekpan̄ade ẹset, onyụn̄ ọdọn̄ nnyịn n̄ko ndifiak n̄kụt mmọ.—Job 14:14, 15.

Sia Jehovah edide Abasi emi anamde n̄kpọ ke ndutịm, imọdiọn̄ọ ke enye edinam mme owo ẹset ke nde ke nde. (1Co 14:33, 40) Utu ke ndisika n̄kpa owo, ekeme ndidi idisinam usọrọ ndidara mbon emi ẹsetde ẹdi. Ndi afo emesitie ekere aban̄a ediset ke n̄kpa, akpan akpan ke ini emi owo fo akpade? (2Co 4:17, 18) Ndi emesikọm Jehovah ke ndikọnọ ufak ye ke ndida Bible ntịn̄ nnọ nnyịn ke mme akpan̄kpa ẹyeset?—Col 3:15.

• Ewe ke otu ufan m̀mê mbon fo ke afo enen̄ede oyom ndikụt ẹsetde ẹdi?

• Ewe ke otu mbon oro ẹsiakde ke Bible ke afo enen̄ede oyom ndikụt nnyụn̄ nda nneme nneme?