Ekebe Mbụme

◼ Ini Ewe ke Ikpetre Ndikpep Eyen Ukpepn̄kpọ Nnyịn N̄kpọ?

Edieke eyen ukpepn̄kpọ mîmaha aba ndida se enye ekpepde ke Bible ndu uwem, imekeme ndida mbufiọk ntre ukpepn̄kpọ esie. (Matt. 10:11) Kere kan̄a: Ndi enye esidụk mbono esop ndusụk ini? Ndi esidi ama aka ndikpep enye n̄kpọ, ukwe enye ke ini oro enye ekenịmde? Ndi enye esitịm idem eben̄e ukpepn̄kpọ esie? Ndi enye esitịn̄ se enye ekpepde ọnọ mbon en̄wen? Ndi enye ke anam se enye ekpepde ke Bible? Mbemiso etrede ukpepn̄kpọ oro, kere ban̄a ukeme ye isua emana eyen ukpepn̄kpọ oro. Ti ke owo ye owo idịghe ukem, owo kiet ekeme ndisọsọp nnam se enye ekpepde n̄kan owo en̄wen. N̄ko, nam eyen ukpepn̄kpọ oro ọfiọk ke ini ekededi oro enye eben̄ede idem, ke enye ekeme ndifiak ntọn̄ọ ukpepn̄kpọ.—1 Tim. 2:4.