Bem Iso Tịm Idem Man Ẹkeme Ndikpep Owo N̄kpọ Ọfọn

Ke ini ọfiọk ibet kiet ye andikara kiet ẹkebụpde Jesus se mmọ ẹkpenamde man ẹnyene nsinsi uwem, Jesus ama ọnọ mmọ ukem ibọrọ, edi ke nsio nsio usụn̄ etiene owo emi obụpde. (Luke 10:25-28; 18:18-20) Okposụkedi emi nnyịn inen̄ede idiọn̄ọ se isịnede ke n̄wed emi idade ikpep owo n̄kpọ, ana ikere iban̄a eyen ukpepn̄kpọ nnyịn ke ini iben̄ede idem inọ ukpepn̄kpọ oro. Nso n̄kpọ mîdisọpke in̄wan̄a enye? Nso idisọn̄ enye ndinyịme? Ewe itie Bible oro ẹsiakde ke ikpehe kiet kiet ke idikot? Se ikpepde akpawak didie? Oyoyom ikere iban̄a uwụtn̄kpọ, mme mbụme m̀mê akpan usụn̄ oro idinamde n̄kpọ an̄wan̄a eyen ukpepn̄kpọ nnyịn. N̄ko, sia edide Jehovah esinam se ikpepde odụk owo esịt, akpana isiben̄e Jehovah an̄wam nnyịn itịm idem ọfọn, an̄wam nditọ ukpepn̄kpọ Bible nnyịn, onyụn̄ anam ikeme ndin̄wam mmọ ẹka iso ẹma Abasi.—1 Cor. 3:6; Jas. 1:5.