Ẹn̄wam Mmọ “Ẹsọn̄ọ Ẹda ke Mbuọtidem”

Edi n̄kpọ idatesịt ndikụt nte Jehovah ọdiọn̄de utom ikọt esie. Se ibede owo 250,000 ke ẹna baptism kpukpru isua. (Deut. 28:2) Ke ndondo oro asuanetop an̄wamde eyen ukpepn̄kpọ ana baptism, enye ekeme ndiyom nditre ukpepn̄kpọ oro man akan̄wam mbon en̄wen. Eyen ukpepn̄kpọ oro n̄ko ekeme ndiyom nditre ukpepn̄kpọ oro man enyene ekese ini ndiwọrọ an̄wautom. Edi ọfọn nditọ ukpepn̄kpọ Bible ẹnyene eti itiat idakisọn̄ ke akpanikọ. Oyom mmọ “ẹdọn̄ n̄kam” ke Christ ẹnyụn̄ “ẹsọn̄ọ ẹda ke mbuọtidem.” (Col. 2:6, 7; 2 Tim. 3:12) Mmọdo, ke eyen ukpepn̄kpọ ama akana baptism, enye ekpenyene ndika iso ke ukpepn̄kpọ Bible esie tutu enye okụre n̄wed Bible Ekpep ye n̄wed “Ima Abasi.”—Se Utom Obio Ubọn̄ Nnyịn eke April 2011, page 2.