Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke December

“Ediwak owo ke ẹtie ẹbet ini emi Jesus editọn̄ọde ntak edi. Edieke enye edide, nso ke akpama enye anam ọnọ fi?” Bet ibọrọ. Wụt ibuotikọ oro odude ke edem Enyọn̄-Ukpeme eke December 1, neme se idude ke idak akpa mbụme ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme December 1

“Sia mme owo mînyeneke ini idahaemi, ọsọsọn̄ mmọ ndikere mban̄a Abasi. Ndi emekere ke edi akpan n̄kpọ ndiyom Abasi? [Bet ibọrọ.] Ke ọwọrọetop Ukwọrọikọ esie ke Obot, Jesus ọkọdọhọ ke oyom inyene udọn̄ ke n̄kpọ eke spirit man ikop inemesịt. [Kot Matthew 5:3.] Magazine emi eneme n̄kpọ ita emi ẹnamde iyom Abasi.”

Ẹdemede! November–December

“Ediwak owo mfịn ẹkop ọkpọsọn̄ mfụhọ. Ndi emekere ke Abasi ekere aban̄a mbon emi ẹfụhọde ntem? [Bet ibọrọ. Ekem kot Psalm 34:18.] Magazine emi etịn̄ nte Abasi ekemede ndin̄wam mbon emi ẹkopde ọkpọsọn̄ mfụhọ, okposụkedi emi ediyomde mmọ ẹbọ usọbọ n̄ko. Magazine emi n̄ko owụt ke mmọ nditịn̄ mfịna mmọ nnọ ata ufan mmọ ekeme ndin̄wam mmọ ẹyọ.” Wụt ibuotikọ emi odude ke page 10-11.